Labs na labs ang mas batang BF… BEA, SUNUD-SUNURAN AT TANGGAP SI DOMINIC KAHIT MAINITIN ANG ULO

ni Erlinda Rapadas @Teka Nga | January 9, 2023

Naiintriga kami sa sinabi ng isang psychic tungkol kay Dominic Roque na BF ni Bea Alonzo.

Although sinabi naman nito na mabait at hardworking si Dominic, madali raw uminit ang ulo ng aktor.

Alam kaya ito ni Bea Alonzo? Nakita na ba ni Bea si Dominic kapag bad mood ito?

Ayon pa sa nasabing psychic, sobrang mahal ni Bea ang BF niya kaya siya na mismo ang nag-a-adjust upang hindi maramdaman ni Dominic ang kanilang agwat.

Noon ay nag-aalangan si Dominic na ligawan si Bea dahil sikat na sikat ang dramatic actress at alam ng lahat na marami na itong properties na naipundar.

Financially stable na si Bea at ayaw ni Dominic na isipin ng lahat na ‘yun ang habol niya kaya ito niligawan.

May ilan pang nagsasabing sumasakay lang siya sa popularidad ni Bea upang makilala at magkaroon ng career.

Ganunpaman, pinatunayan ni Dominic na malinis ang kanyang intensiyon kay Bea, kaya tinanggap siya ng pamilya ng aktres.

Ang inaabangan ngayon ng lahat ay kung kailan magpo-propose si Dominic kay Bea.

Ano pa ba ang nakakapigil kay Dominic upang yayain nang magpakasal ang nobya? For sure, kahit naman simpleng kasal lang na kayang ibigay ni Dominic ay papayag si Bea. Gusto na ring magkaroon ni Bea ng sariling pamilya.