KYLIE, SUNUD-SUNOD ANG SHOWS AT MOVIES NANG MAHIWALAY KAY ALJUR

ni Erlinda Rapadas - @Teka Nga | July 24, 2022

Malaki ang pasasalamat ni Kylie Padilla sa GMA Network sa pagbibigay sa kanya ng magandang project tulad ng Bolera.

Maganda ang feedback at ratings ng kanyang serye at na-inspire si Kylie habang ginagawa niya ito. Feeling niya, bumalik ang kanyang kumpiyansa sa sarili. Naramdaman niyang muli ang passion sa pag-arte tulad noong gampanan niya ang role ni Reyna Amihan sa Encantadia.

After Bolera, isang malaking pelikula ang isinu-shoot ni Kylie sa Switzerland, ang Unravel kapareha si Gerald Anderson.

Ang kanyang dalawang anak na sina Alas at Axl ang inspirasyon niya upang muling harapin-balikan ang kanyang acting career.

Ngayon niya napatunayan na ang lahat ng pagsubok ay kakayanin niya para sa kanyang mga anak. Strong woman si Kylie at kahit na single mom ay nakakaya niyang itaguyod ang dalawang bata at hindi na umaasa pa sa tulong ng kanyang nakahiwalay na mister na si Aljur Abrenica.