Kung kailan Undas saka isinarado ang mga sementeryo

ni Ka Ambo - @Bistado | October 31, 2021

SARADO na ang mga sementeryo.

'Yung mga patay na lang daw ang dadalaw sa mga buhay!

◘◘◘

NORMAL na ang buhay.

Taga-gobyerno na lang ang abnormal!

◘◘◘

NASA mga lalawigan pa rin ang mga tao na dating nasa Metro Manila.

Hikahos pa rin ang buhay!

◘◘◘

USUNG-USO ang mga scam.

Mag-ingat sa mga raketista!

◘◘◘

HINDI na makokontrol ang basurang impormasyon sa Facebook.

Kailangan dito ay estilong “dolomite” sa Manila Bay.

Punuin dapat ng positibong impormasyon ang social media, kaysa sa mga “katarantaduhan” lang!

◘◘◘

WALANG kakayahan ang gobyerno na makasabay sa teknonolohiya. Lipas nang matatanda ang itinatalaga sa gobyerno, imbes na ng sariwang kabataan!

◘◘◘

DAPAT ipaubaya sa kabataan ang operasyon ng gobyerno.

Ipagbawal ang pagtatalaga sa mga laos at retiradong heneral!

◘◘◘

IPINANREREGALO at hinayaang magnakaw sa gobyerno ang mga retiradong heneral.

'Yan ay korupsiyong walang solusyon!

◘◘◘

ANG diversion of fund ay talamak sa AFP at iba pang ahensiya ng gobyerno.

Tinitipid o hindi ginagastos ang pondo, pero inilalaan ito sa pagnanakaw gamit ang modus-operandi ng illegal purchase, at ghost project!

◘◘◘

WALANG ideolohiya ang mga pulitiko.

May narinig ba kayo sa mga presidentiable kung ano ang ideolohiya?

◘◘◘

DAHIL walang ideolohiya, walang solusyon sa problema ng bansa.

Ang tanging sa solusyon sa krisis at ang pagkakaroon ng ideolohiya.

Hangga’t walang ideolohiya, walang patutunguhan ang alinmang bansa—kasama ang Pilipinas!