Kumikita sa kararampa sa Paris at New York… HEART, MABENTANG ENDORSER KAHIT WALANG SHOW

ni Erlinda Rapadas @Teka Nga | July 14, 2023

Walang regular show sa GMA Network at hindi rin tumatanggap ng mga movie projects si Heart Evangelista, kaya marami ang nagsasabing napabayaan na niya ang kanyang showbiz career sa ‘Pinas.

Mas kinakarir ni Heart ngayon ang makilala sa fashion world sa Paris at New York. Doon niya kasi nakakasalamuha ang mga sikat na fashion designers at top models sa iba’t ibang panig ng mundo.

Ito ang nagpapasaya ngayon kay Heart at natupad na rin ang matagal na niyang pangarap na maging bahagi ng glamorosong mundo ng mga sikat na models. Dito niya gustong mapabilang at makilala.

Wala namang problema dahil very supportive sa career ni Heart ang kanyang mister na si Sen. Chiz Escudero at sinasamahan pa siya nito sa Paris kapag may mga fashion events. Ang mister din ang nagsisilbing photographer at bodyguard niya.

Ang exposure na ito ni Heart sa mundo ng fashion sa Paris at New York ang naging daan upang makilala at kunin siya ng mga malalaking advertisers.

Hindi maipagkakaila na in demand talaga ngayon si Heart. In fact, kinukuha na rin siya bilang endorser ng mga bagong condominiums at resorts.