Kulang na raw siya ng time… DINGDONG, TODO-THANK YOU KAY MARIAN NA TUTOK SA MGA ANAK

ni Rohn Romulo @Run Wild | November 10, 2025

Photo: IG _marianrivera

Bumabawi talaga ang Kapuso Primetime King na si Dingdong Dantes sa dalawang anak na sina Zia at Sixto.

Aminado naman ang aktor na sobrang busy niya sa kanyang showbiz career kaya marami siyang na-miss na milestones ng mga lumalaking anak.

Kaya naman, kung may pagkakataon ay magkasama sila ng asawang si Kapuso Primetime Queen Marian Rivera para suportahan sina Zia at Sixto.

Proud si Dong na matunghayan ang performances ng mga anak. Nauna na ngang ipinamalas ni Zia ang husay sa pagkanta sa RMA Studio Academy concert na Destination: The World Stage last November 5 sa Proscenium Theater.

Sumunod naman, ipinagmalaki nina Dong at Yan ang performance ni Sixto kung saan nag-drums siya sa isang show.

Makikita sa social media post ni Dong ang mga photos ng magkapatid at panimula nito, “Back-to-back milestones on two stages over one weekend. Zia sang at her recital, and Sixto played the drums. It was the first time for both of them to be on that kind of stage.

“I’ve missed a lot of their milestones because there were days I couldn’t get away from work, even though all I wanted was to be there with them. Too many times, I’ve had to ask, ‘How did it go?’ when I wished I’d seen it for myself.”

Dagdag pa ng bida ng Master Cutter, “Being able to keep this weekend free meant a lot to me, especially knowing how hard that can be when both parents are working. I wanted to be present. And this time, I was.

“Proud is an understatement. Manghang-mangha ako. Ilang gabi bago ang recital, paulit-ulit na sinasabi sa ‘min ni Zia kung gaano s’ya kinakabahan. Si Sixto naman, chill lang.

Magkaiba sila ng paraan ng pagharap sa moment na ‘yun. Buong tapang silang umakyat sa stage, at ang pinakatumatak sa ‘kin, ‘yung saya sa mga mata nila. I got to sit there and watch our kids do what they love, and I didn’t want to miss a thing.”

Labis din ang pasasalamat niya kay Marian, “And of course, they wouldn’t have been able to do any of this without their mom. Marian has been there for them every step of the way, including so many moments I’ve only heard about afterward (with pictures and videos, of course). I’m so grateful for her.”

At dahil sa ipinapakitang interes nina Zia at Sixto, mukhang papasok din sa showbiz ang dalawa. Lalo na si Zia na love na love ang pagkanta.

Well, priority pa rin nila ang pag-aaral.

Samantala, nakaka-excite naman na finally ay matutuloy na ang pagsasama nina Dingdong at Piolo Pascual sa isang maaksiyong pelikula.

Ayon kay Papa P, more than a year na raw silang nagmi-meeting ni Dong at naka-block-off na raw ang dates nila next year, kaya tuluy-tuloy na ang pagsasama nila na aabangan ng lahat dahil siguradong maganda raw ang first-time na pagko-collab nila.

Sa product endorsement ay nagkasama na sila dati. At sa Kimmy Dora, kung saan isa sa mga producers si Piolo ay naging ka-partner ni Dingdong si Eugene Domingo.

Sina Piolo at Marian naman ay may cameo role sa Ekstra ni Vilma Santos.

At ngayong November 11, balik-big screen sina Dong at Marian sa pelikulang Remember, kung saan sunud-sunod ang showing nito para sa worldwide release.

---

SOBRANG saya ni Gela Atayde dahil first time niyang makasali sa isang bazaar para i-promote ang kanyang IBYANG’S (Made with Love) food business.

Ipinangalan niya ang brand mula sa palayaw ng kanyang Mommy Sylvia Sanchez.

Mula kasi sa mga recipes ni Ibyang ang mga homemade spreads ni Gela tulad ng Chicken at Cheese Pimiento Spread, pati na ang cheesy beef tacos.

After this product launch na puwede nang ma-order online, next year ay plano naman nilang magbukas ng IBYANG’S restaurant kung saan idaragdag sa menu ang mga recipes niya tulad ng butter garlic shrimp at salpicao, pati ang mga iniluluto ng kanyang Mamita Pilar Atayde.

Naabutan namin sa booth sina Sylvia at Cong. Arjo Atayde, pati na ang boyfriend ni Gela na si Zaijian Jaranilla.