KC, NAKIPAG-BONDING NA KAY SEN. KIKO, NEXT SA MGA UTOL

ni Rohn Romulo @Run Wild | September 11, 2026

Photo: KC Concepcion at Kiko Pangilinan - IG

Ipinagmalaki ni KC Concepcion ang ilang photos na kuha sa date night nila ng kanyang stepfather na si Senator Kiko Pangilinan.

Masayang caption ni KC sa IG post, “Finally… date night with Dad. Missed this. 

"Good food, great stories, the best life advice. 

"LOVE quality time with my family.”

Hindi rin niya kinalimutang batiin ang kanyang Megastar mom na si Sharon Cuneta sa newest series nito sa Prime Video PH. 

“Ma, congrats on Honor Thy Mother premiere! @reallysharoncuneta."

Pahabol pa ni KC, “More family QT (quality time) soon.” 

Sa naturang dinner date na ibinahagi ni KC sa social media, makikitang naglaan ng quality time ang aktres para makipagkuwentuhan kay Sen. Kiko. 

Maituturing niya itong isang meaningful family moment, bagay na ikinatuwa ng kanilang mga tagasuporta.

Bukod sa personal na kuwentuhan, humingi ng advice si KC para sa katulad niyang ‘young guns’...

Ang mga naging payo naman ni Sen. Kiko ay ang mga sumusunod:

“Surrender.

"Not all things are with your hands.

"Whatever is not in your hands belongs to God Almighty.

"Everything has a reason. Everything has a purpose. 

"There are no coincidences. Just believe, it's gonna be okay."

Hindi na rin bago ang pagiging malapit ni KC sa kanyang stepfather, kahit na nagkakaroon sila ng tampuhan. 

Ilang beses na rin namang ipinakita ni KC ang pagpapahalaga niya kay Sen. Kiko, kabilang ang pagbati niya rito sa kanyang ika-63 kaarawan noong Agosto.

At sa kanilang latest bonding, tila mas mahalaga ang naging kuwentuhan at mga payo ng isang ama sa kanyang anak – masasabing may puso, may lalim at may makabuluhang mensahe.

Pinusuan at maraming na-touch sa ginawang ito ni KC at may naiyak pa.  

Kaya ang wish ng mga netizens, “Date or bonding with Kakie, KC next time, Please! God bless!”

“Soon with your sisters Miel and Kakie.”

Sana naman, para maging maayos na silang magkakapatid at para one big, happy family.

---

Shocked nang biglang lapitan ni Mr. Pure Energy… MAKI, NAPAIYAK SA SINABI NI GARY V. 

NAIKUWENTO ni Mr. Pure Energy Gary Valenciano na napaiyak ang sikat na sikat sa mga kabataan na si Maki dahil sa kanyang mga binitawang papuri. 

Two years ago nang magkita raw sila for the first time habang may rehearsal si Maki sa isang studio ng ABS-CBN at nilapitan-sinabihan ito ni Gary ng, “Thank you.”

Takang-taka raw ang young singer-songwriter at sumagot ng, “Sir, bakit po?”

Sabi naman daw ni Gary, “Maki, your group, your generation, has taken OPM to a level that we’ve always wished it would reach. So, thank you so much.” 

Dagdag na kuwento ni Mr. Pure Energy, “And the guy started weeping in front of me.” 

Sabi naman daw ni Maki, “Sir naman, dapat kami po ang magpasalamat sa inyo.”

“And I told him, ‘You know, you actually make it not easier but you make it possible for even us, of older generations, to reach younger generations. 

“Because there is a surge in people, young generations, wanting to know more about why is OPM now the ones that fill up the charts?” paniwala pa ng OPM icon.

Naniniwala rin si Gary na dahil sa mga batang OPM artists, ang labanan sa charts ay pumalo na sa 60-40. Sixty percent ang OPM at 40 percent naman ang foreign acts.

Samantala, excited na kaming mapanood ang promising young artist na si Kakie na anak nina Megastar Sharon Cuneta at Sen. Kiko Pangilinan dahil siya ang magiging special opening act sa Back at the Museum ni Gary V. na magaganap sa October 1, 3, 8, 10, 15, 17, 22, 24, 29 at 31.

Mula sa direksiyon ng anak ni Gary na si Paolo Valenciano with Mon Faustino as musical director, ang Back at the Museum ay para sa benefit ng Shining Light Foundation.

Dating BFF, tumalikod sa mister niya… SHARON SA FRIENDSHIP NILA NI BB: SANA ‘WAG MASIRA

ni Rohn Romulo @Run Wild | September 8, 2026

Photo: IG _reallysharoncuneta & _gandangharibb

Nag-react na si Megastar Sharon Cuneta tungkol sa kaibigan niyang si BB Gandanghari sa naging pahayag nito kamakailan sa mister niyang si Sen. Kiko Pangilinan.

Matatandaang sa naging interview ni BB sa Fast Talk with Boy Abunda (FTWBA), binawi ng kapatid ni Sen. Robin Padilla ang kanyang pagsuporta kay Kiko dahil hindi na aligned ang kanilang pinaniniwalaan.

“I campaigned for Kiko way back nu’ng una s’yang tumakbo. I campaigned for him kasi si Sharon ay kaibigan ko,” lahad ni BB noong nakaraan.

Aniya, “Tumatak sa isip ko ‘yun na we have to maintain our integrity as far as iyong ipinapangako natin sa tao. Dumating ang punto na dito nga sa usaping tungkol sa mga bata (Juvenile Justice), parang ‘di ko naiintindihan kung bakit ‘di naiintindihan ‘yun ni Sen. Kiko.

“Nothing personal at all. Kaso sabi ko nga kay Sharon, kung ganyan, binabawi ko na ‘yung suporta ko kasi baka may mga nakakaalala pa noon.

“Kung ano ang paninindigan ng asawa mo, I don’t think I can support you any longer. And I’m taking it back kasi nagkampanya ako in public, so I will also take it back in public.”

Sa guesting naman ni Sharon last week sa talk show ni Boy Abunda, natanong siya tungkol sa naging pahayag ni BB sa naturang show.

“Nu’ng panahon before s’ya naging BB, tawag ko sa kanya, ‘Kuya Tom’. Siya ‘yung love na love ko, tapos naging Ate B.

“So sa akin, I respect naman kung ano ‘yung paniniwala ng bawat tao. ‘Di ko mai-impose ‘yung beliefs ko sa isang kaibigan. I never had to do that.

“‘Yung sa akin lang, sana ‘yung friendship, ‘di naitapon kahit iba na ‘yung paniniwala. Kasi mahal ko s’ya,” tila nanghihinayang na saad ni Mega.

“Nangyayari naman, people change. People evolve, especially her brother is in the Senate also… So that’s okay with me,” sey pa ni Sharon na muling mapapanood sa seryeng Honor Thy Mother (HTM) with Barbie Forteza, ngayong September 11 na sa Prime Video PH.

Hopefully, magkausap muli sina Sharon at BB.

---

Hosting skills, nilait…

BRENT: ‘DI PO AKO PUNCHING BAG

BINASAG na ng Pinoy Big Brother Celebrity Collab Edition (PBBCCE) Big Winner na si Brent Manalo ang kanyang katahimikan para i-address ang natatanggap na hate comments online about sa kanyang hosting skills.

Sa kanyang post sa X (dating Twitter) last Sunday, September 6, may pakiusap siya sa madlang pipol.

“I’m not here to change nor dispel your perception of me, but I am asking for a little bit of grace,” panimula ni Brent.

“For months, I took all the lashings and never said a word because I’m a firm believer that you should always let your work speak for you. With all the opportunities being given to me right now, I am truly grateful to the management and everyone who believes in me and my capabilities.

“But these things were never handed to me, it was years of waiting and hard work.

“‘Wag n’yo po sanang ipagkait sa akin na gawin ‘yung trabahong ibinibigay sa akin. I am simply doing my job.

“Regarding my PBB stint, admittedly, my win was polarizing but it is my journey and I hope to be able to look back at it with pride.”

Paliwanag ni Brent, “I never once took that win for granted. I owe it to all those who fought for me. I have made mistakes and learned from it.

“I have apologized time and time again to those whom I’ve offended. This chapter has been closed, so I hope we can all move forward.”

Paniniwala pa niya, “I will ALWAYS listen to constructive criticisms. And I’ll always try to continuously improve because it is our responsibility to provide quality TV to our audience. I’m still a work in progress and I promise to stay committed.”

Katwiran pa niya, “But if your sole purpose in life is to throw unwarranted hate at me, please keep your opinions to yourselves because it will never be acknowledged by me. ‘Di po ako punching bag.”

Marami naman ang nagtatanggol at nagpapahayag ng suporta kay Brent at sinabihan siyang dedmahin na lang ang mga bashers.

Kaya go lang, Brent. Keep up the good work!

SHARON: HORROR ANG PULITIKA

ni Rohn Romulo @Run Wild | September 6, 2026

Photo: Sharon Cuneta sa Honor Thy Mother sa Prime - IG

Sa kanyang muling pagharap kay King of Talk Boy Abunda sa programang Fast Talk with Boy Abunda (FTWBA), may inamin si Sharon Cuneta sa kanyang role sa Honor Thy Mother na ipapalabas sa Prime Video.

Aniya, “I’ve done Saving Grace, medyo mataray ako ru’n, but this is the most mataray I’ve been. It’s the first time I’m in this territory…”

Makakasama niya sa naturang serye ang kino-consider niyang dalawang bagong anak-anakan niya – sina Barbie Forteza at Khalil Ramos.

Samantala, tinanong si Sharon ni Kuya Boy ng “Sa iyong influence at sa tagal mo dito sa public sphere… I know you said no, but you wouldn’t consider getting into politics?”

Seryosong sagot ni Sharon, “I would consider running… away from politics.” 

Kasunod nito ang tawanan sa loob ng studio, kasama ang premyadong host.

Pagpapatuloy pa niya, “Tatakbo ako palayo r’yan. Ang sarap ng buhay ko. I love my life.

“I love that I’m able to make people happy, thousands at the time, in concerts, TV shows, movies. It’s a gift. I take care of it.

“I love the work that I have. I love singing. I love acting. I love working with actors, new and, you know, people I’ve worked with before.

“New directors. I become family on the set with everybody I’m working with. It’s special to me, so I wouldn’t trade it for a life in politics. No, it’s a horror story.”

---

Beteranang aktres ang tinalo…

DIREK SIGRID, PINALAGAN NA AWA LANG DAW KAYA NAG-BEST ACTRESS SI KRYSTEL GO

Sa mahabang post ni Direk Sigrid Andrea Bernardo, hindi nga niya napigilan na maglabas ng sama ng loob at napamura pa dahil sa mga natatanggap na panlalait ng mga bida ng I’mPerfect na produced ng Nathan Studios.

Panimula ni Direk Sigrid, “PA-RANT LANG. Isa lang. I’m scared to celebrate my own actors. There. I said it.”

Pahayag niya, “When I’mPerfect won Best Picture and Best Ensemble at the 2025 MMFF, and Krystel won Best Actress, I was so proud of her, of everyone.

“After carrying this film since 2009, I thought, FINALLY. They’re being SEEN the way they deserve to be seen. But NO.

“Tapos mababasa mo mga comments na ganito: ‘Bakit mananalo ang isang mongoloid kaysa sa beteranang aktres?,’ ‘Sarili lang naman n’ya ang ginagampanan n’ya,’ ‘PITY vote,’ ‘Puro retarded naman ang pelikulang ‘yan’ Nakaka… P**tan**!” galit na galit na pahayag ng direktor.

Kuwento pa ni Direk Sigrid sa pinagdaanan ng kanyang mga bida, “Because I was there. The entire team was there. Krystel and Earl didn’t have years of film experience. They had TWO MONTHS.

“And in those two months, they didn’t just learn acting. They had to learn filmmaking.

“Continuity. Marks. Eyelines. Camera limits. Sound. Blocking. Scheduling. Lighting. Repeating the same scene, the same movement, the same emotion again and again because we needed another take. At ang dami pa!

“And it wasn’t only them. We had other actors with Down syndrome, and extras with autism, cerebral palsy, and other disabilities. We wanted them to represent themselves to show their abilities, not their disabilities.”

Dagdag-pagmamalaki pa ni Direk Sigrid, “Now I’mPerfect is being considered as a contender for the Philippines’ entry to the Oscars, and Krystel (Go) and Earl (Amaba) are nominated for Urian as Best Actress and Best Actor.

“I should be celebrating. Pero ang hirap-hirap lang talaga. Because I’m still seeing the SAME COMMENTS.

“They can work twice as hard, prove themselves again and again, and still be reduced to their disability.

“How much more do they have to prove before it’s enough? Kailan ba magiging sapat?

“And what broke me was realizing I was more affected by those comments than they were.

“Chill na chill lang sila, eh. Kasi they’ve heard these things their whole lives.

“What mattered to them was finally seeing themselves on the big screen.

Not as a diagnosis, not as someone people should feel sorry for.”

Paglilinaw pa niya, “They were Krystel playing JESSICA and Earl playing JIRO.

“So criticize the film. My direction. The script. Their performances. That’s part of the job. But they did NOT ‘just play themselves’ ‘di awa ang pinaghirapan nila. Trabaho. Tapang. Talento.

“I didn’t cast them out of pity. I cast them because I saw actors. I believed they could do the job. And they f*cking did.

“So the next time you see an actor with a disability on screen, SEE the ACTOR first.

“Watch the performance. Judge the work. Applaud the talent. Don’t give them pity. Give them the same RESPECT you give every other actor.”

Samantala, malapit nang mapanood ang I’mPerfect sa Netflix PH ayon sa kuwento ni Sylvia Sanchez.

Patuloy itong nakatatanggap ng imbitasyon sa iba’t ibang lugar sa Europa. Naipalabas na ito sa 27th Lucania Film Festival (LFF) sa Italy at next naman sa Prague, Czech Republic.

Samantala, na-postpone ang announcement ng official entry ng Pilipinas sa 99th Academy Awards para sa Best International Feature Film category.

Nakatakda sana itong ilabas noong Biyernes, Setyembre 4, pero naglabas ng official statement ang Film Academy of the Philippines sa pamamagitan ni Jose Paolo Villaluna.

Ia-announce ang new date ng announcement kapag natapos ang deliberation ng National Selection Committee.

Kasama ang I’mPerfect ni Direk Sigrid Andrea sa walong pelikulang pagpipilian. Ang pito pa ay ang 58th ni Carl Joseph Papa; All the Things I Leave You (Patawid) ni Jade Castro; Filipiñana ni Rafael Manuel; Manila’s Finest ni Raymond Red; Quezon ni Jerrold Tarog; Silenced Nights ni Lawrence Fajardo; at Sisa ni Jun Robles Lana.