Boses, baka magbago… ICE, GUSTONG MAGPATANGGAL NG BOOBS, PINIGILAN NI LIZA

ni Rohn Romulo @Run Wild | November 8, 2025

Photo: IG _iceseguerra

Chill na chill lang talaga ang first night ng intimate concert ng OPM Icon na si Ice Seguerra na Ice Sings! An Intimate Concert Series: Musical Hits sa Music Museum last November 6.

Nagbalik-stage ang singer-songwriter sa two-night concert na hango sa mga awitin at kuwentong naging bahagi ng kanyang buhay mula pagkabata, mula sa mga minahal nating Disney songs hanggang sa Broadway hits. 

Hatid ito ng Fire & Ice LIVE, at si Ice mismo ang stage director ng concert, habang ang kanyang wife and actress na si Liza Diño ang nagsilbing creative director. Ang musical director naman ay si Troy Laureta.

Aminado si Ice na sobra siyang kinabahan sa concert dahil hindi niya karaniwang kinakanta ang Broadway hits, pero na-enjoy naman niya ang mga Disney songs mula sa Little Mermaid, Aladdin, Toy Story, Hercules, Frozen, atbp.. 

Napahanga naman kami sa rendition niya ng Somewhere Over The Rainbow, Send in the Clowns, I Don’t Know How To Love Him, As If We Never Said Goodbye, I Dreamed A Dream, Go The Distance at This Is Me.

Marami pang kinanta si Ice, na sa bawat performance niya ay ibinigay talaga niya ang puso at kaluluwa, kaya naman sa halos lahat ng song number ay nakatanggap siya ng matinding palakpakan. 

Sa bandang gitna ng concert, nagkuwento si Ice sa pinagdaanan niya sa pagiging transman at inamin na kinonsidera niyang magpatanggal ng ‘boobs’ tulad ng ginagawa ng mga katulad niya.

Kuwento niya, “This is a point in my life that I wanted to… that every time I look in the mirror, it breaks me! And I thought that taking that would fulfill my heart.

“It was a long discussion with my wife, Liza, and my mom when she was still alive.

“And even the fans would ask, ‘Magbabago ba ang boses mo?’ Honestly, guys, there were times when people would tell me na baka magbago ang boses ko, naiinis ako. Para sa ‘kin, ‘Eh, ano kung magbago?’”

Seryoso pang pagpapatuloy niya, “But the years after, the realization I had a few days ago during the rehearsals, I told my wife, ‘Love, I just want to thank you. Thank you for making me understand.’

“Because honestly, I love my voice! And I can’t imagine living life not hearing this… And for those people who are very patient with me amidst all the changes, thank you, thank you!”

Magse-celebrate na si Ice ng kanyang 40th anniversary sa entertainment industry.

“I’ll be in my 40th year next year, and I feel blessed because it sustained me for the past 39 years by doing this that I loved so much. I know not everybody is lucky to say na kung ano ‘yung hobby nila, ‘yun ang trabaho nila,” pahayag niya.

Emosyonal pang lahad niya, “There are many times that I wanted to give it up. I wanted something safe. But you guys (pointing to the audience), thank you, thank you so much. You are all the reason why I’m here, why I’m still doing this.

“I can say, till the next 40 years, so thank you!”

Sa naturang sold-out concert, kitang-kita ang mga ngiti sa mga nanood at ang labis na kaligayahan na naihatid ni Ice na malamang, ganu’n din ang naramdaman sa ikalawang gabi nitong Sabado, November 7. 

Sey nila, nakaka-relate sila sa mga songs, kaya magiging emosyonal ka rin habang pinakikinggan si Ice. 

After ng successful 2-night concert, in-announce na ang Ice Sings! An Intimate Concert Series — Part 2: Love Songs na malamang ay sa February, 2027.

Ngayong December, magkakaroon din ng Christmas concert si Ice kasama ang kanyang mga kaibigan. 

Tiyak na kaabang-abang na naman ang bagong handog na ito ng produksiyon ng mag-asawa, kaya abangan ang mga detalye sa susunod na linggo. 

Congrats, Ice and Liza! 

Makalimutan daw sana nina Zia at Sixto… DINGDONG, AMINADONG WALA NANG ORAS SA MGA ANAK SA SOBRANG BUSY

ni Rohn Romulo @Run Wild | November 7, 2025

Photo: IG _dongdantes

Kumpleto ang buong pamilya Dantes — ang mag-asawang Dingdong Dantes at Marian Rivera, Sixto at iba pang kapamilya — para suportahan ang singing recital ni Zia Dantes.

For the second year, kasama uli si Zia sa Grand Annual Concert ng RMA Studio Academy na may title na Destination: The World Stage na ginanap sa Proscenium Theater, Makati City last November 5.

Pinalakpakan nang husto ang performance ni Zia sa You’ll Be In My Heart song, pati na ang trio production number nila nina Scarlet Belo (anak nina Vicki Belo at Hayden Kho) at Nat Yanson (Aliw award child performer), at sa bonggang solo number niya ng Rolling in the Deep ni Adele na ibinirit din niya.

Kaya naman tuwang-tuwa ang mag-asawa na muling mapapanood sa kanilang reunion movie na Remember, na showing na sa November 11, sa napakahusay na performance ng kanilang panganay na anak.

Matatandaan na may inamin ang Kapuso Primetime King sa pagbisita nila ni Marian sa Pinoy Big Brother Collab 3.0 bilang bahagi ng promo ng kanilang movie na co-production ng Star Cinema, APT Entertainment, Agosto Dos Pictures at Regal Entertainment, mula sa direksiyon ni Mae Cruz Alviar.

May panghihinayang si Dong dahil sobrang busy ang schedule niya nitong nagdaang taon hanggang ngayong 2026, na aabot pa raw hanggang 2027, kaya marami siyang nami-miss na special moments nina Zia at Sixto.

Sa task na ibinigay ni Big Brother kina Marian at Dingdong ay kausapin ang mga housemates kung ano ang araw na gusto nilang ma-remember at ma-forget.

Naunang nagbahagi ang mag-asawa. Natanong ang Kapuso Primetime Queen kung ano’ng araw sa buhay niya ang gusto niyang maalala.

“Ang araw para sa ‘kin na gusto kong maalala is ‘yung araw ng kasal namin ni Dong. Kasi dream ko talaga magkaroon ng isang pamilya.

“S’yempre, hindi n’yo pa ako kilala, galing kasi ako sa isang broken family. Lumaki akong walang magulang sa tabi ko.

“So, sabi ko, ‘yun ang pangarap ko na magkaroon ako ng isang buong pamilya na may anak. ‘Yun ang gusto kong ma-remember,” pahayag ni Marian.

“Kasi dahil sa kanya (Dingdong) nabuo ang pangarap ko kasi may dalawang anak na kami. So, ‘yun ang gusto ko na palaging maalala,” dagdag pa ni Yan.

Para kay Dingdong, ang nais naman niyang malimutan ay ang tungkol sa mga kaganapan habang lumalaki ang mga anak.

“Mine would be, kasi ‘yung kids namin, they are so into many activities, mayroon silang singing recital, sports events, etc.,” pag-amin ng actor-TV host.

“The day I want to forget, siguro it’s not me forgetting but parang I want them to forget that day, na sana ‘di na nag-exist ang day na ‘yun.

“Kasi ang daming moments na dahil busy ako sa work. Sa aming dalawa kasi, ako ang busy this year.

“So, ‘di ako maka-attend, wala ako sa special moments nila sa school, or in their activities.

“And I know that parang gusto nila na nandu’n kami pareho. So I want to forget those moments and hopefully hindi nila maalala ‘yun at maalala nila ‘yung greater reason why wala ako ru’n. ‘Ah, wala s’ya ru’n because he’s working for us, working for our family,’” seryosong pagbabahagi pa ni Dingdong.

Anyway, congrats din kay Jade Riccio sa fabulous performance niya sa recital concert. Kilala siya bilang soprano at celebrity vocal coach/producer na may-ari ng RMA Studio Academy.

Sabihan na raw na mayabang siya, Xian… “I AM A GOOD PERSON. NO ONE CAN TAKE THAT AWAY” — ALDEN

ni Rohn Romulo @Run Wild | October 27, 2025

Photo: IG _aldenrichards02

Sa heartfelt opening speech ni Asia’s Multimedia Star Alden Richards sa awarding ceremony ng Hero For All 2026, ipinamalas niya ang kahalagahan ng pagtulong sa kapwa at paggawa ng mabuti.

Sa naturang event, pinarangalan ang 20 pambihirang Pilipino na nagpabago ng buhay at nagpaangat sa mga komunidad. Isa itong pagdiriwang ng pang-araw-araw na kabayanihan na pinangunahan ng Casino Plus sa pakikipagtulungan ng AR Foundation, kung saan tumulong si Alden sa pagpili ng 20 awardees mula sa buong bansa.

Ang haba raw ng naging journey nila tungkol dito. 

Anila, “A mix of excitement, joy, hardships, sacrifices, emotional roller-coasters and effort of every individual that is part of this campaign.”

Ito ang pahayag ni Alden, “I really believe that if there’s one thing we have to be consistent about in doing in this lifetime, na kahit ano pang dumating sa buhay natin, it’s doing good, being kind, being the change that we want to see in society.”

Dagdag pa niya, “Sometimes we have to negate the effect of society, especially during the times na ‘di na ‘to nakakabuti para sa atin.”

Pinuri ni Alden ang 20 awardees sa Hero For All 2026 dahil sa pagiging matulungin sa kapwa nang walang hinihintay na kapalit.

Aniya, “If this is one thing these heroes have in common, it’s selflessness. 

“The selflessness I’m talking about with the hero roster that we have is selflessness to the point of nakakalimutan nila ‘yung sarili nila. Because they wanted to do so much for the community and for other people.”

Naniniwala naman si Alden na, “And I think I am a good practitioner of that kind of principle.”

Kasunod nito ang isa sa pinakatumatak at makabuluhang bahagi ng kanyang talumpati sa kasagsagan ng kontrobersiyal na paratang sa kanya ng social media personality na si Xian Gaza.

Pahayag niya, “I really do believe that if there’s one thing I’m proud of, sabihin n’yo nang mayabang ako, pero alam ko, at the end of the day, I am a good person. No one can take that away.

“And I’m sure, gusto ko, ganu’n din ‘yung maging mindset ng mga heroes natin na you can be proud to tell the world that you’re a good person. Please be proud of that fact.”

Dagdag pa niya, “Keep on throwing that to the universe. It is a form of manifestation, na if you always do good, it will come back to you.

“But I’m not saying na kailangan kong gumawa ng mabuti kasi I need to expect something in return. No. Do good without expectations of it returning to you kasi one way or another, it will find its way back to you.”

Ipinagdiinan din ni Alden ang paggawa ng mabuti.

“Ang maganda kasi sa aspeto ng pagiging mabuti po ay libre. Libre s’ya, eh, at lahat ay puwedeng gumawa nito kahit ano pa ang estado mo sa buhay.

“Ang paggawa po ng mabuti at pagpili sa paggawa ng mabuti, eh, libre po sa araw-araw na ginawa ng Diyos,” paniniwala pa niya.

“So what I’m really trying to say is, and I would like to end with this statement, na be good so the world could be a little good at the end of the day.

“And if there’s one thing na ‘di mananakaw sa inyo ng kahit sinuman, ‘yun po ‘yung kabutihan ng puso.

“So guard it. Guard it with your life. And always be concerned about the people around you,” pagtatapos ni Alden sa kanyang speech.

Anyway, isa-isang ipinakita ang kuwento ng kabayanihan ng mga awardees sa proyektong ipo-produce ng Myriad Entertainment Corp., kung saan si Alden ang magsisilbing host.

Ipinanood sa naturang event ang kuwento ni Rhodora Tuñacao, na isang araw pa lang sa Hong Kong bilang domestic helper ay naharap agad sa pagsubok dahil sa sunog na naganap sa Wang Fuk Court, kung saan iniligtas niya ang three-month-old baby.

Ang iba pang unsung Filipino heroes na pinarangalan ay sina Zacharias Mansing, Tristan Limin, Chef Jayson Maulit, Aris Villaester, Dominga Cabiong, Eleanor Olegario, Marinelle de Guzman, Carla dela Cruz, Gretchen West, Ed Castillo, Romano Hurano, Imelda Areola, Isagani Areola, Joy Barcelon, Angyl Ababat, Jason Cardente, Renny Boy Takyawan, Kenneth Coo at ang singer na si Jona Viray.

Mabuhay si Alden!