Inili-link kay Claudine… BOSS TOYO, INILABAS ANG DYOWA
ni Mercy Lejarde @Showbiz Talkies | November 10, 2026
Photo: FB Boss Toyo
“I love you, Loves Jhoy,” ito ang mensahe ng vlogger at Pinoy Pawnstars host na si Boss Toyo para sa kanyang misis na si Jhoy Maldo.
Naging usap-usapan kasi ang social media post ng aktres na si Claudine Barretto tungkol sa isang lalaking hindi niya pinangalanan na umano’y may partner pero patuloy pa ring nagpapakita ng interes sa kanya.
Dahil dito, may ilang netizens na nagbanggit sa pangalan ni Boss Toyo at nag-ugnay sa kanya sa nasabing lalaki. Ganunpaman, nilinaw na ni Claudine sa isa pa niyang social media post na hindi si Boss Toyo ang kanyang tinutukoy.
Samantala, nagbahagi naman si Boss Toyo ng larawan nila ng kanyang asawang si Loves Jhoy sa Facebook (FB) na nilagyan niya ng caption na, “Kasama ang totoong boss @Loves Jhoy.”
Sa comment section, muli rin niyang ipinahayag ang pagmamahal sa asawa.
“I love you, Loves Jhoy,” ani Boss Toyo.
Well, in fairness, alam na kung sino ang totoong boss niya. Si Loves Jhoy, siyempre.
Ibinuking ni Liza… CONCERT NI ICE, MUNTIK MA-RESKED DAHIL SA SAKIT
SUPER proud ang aktres na si Liza Diño sa kanyang partner na singer-songwriter na si Ice Seguerra matapos ang matagumpay nitong concert na Ice Sings!
Mensahe ni Liza, “Congratulations, my love! This is our only photo from this whole run because, as usual, I was running around. Hahaha!
“If people only knew what went on behind this show, I think they would appreciate you even more. The flu, the laryngitis, the frustration of not knowing if your voice would be back in time. We were honestly so close to postponing the show.
“Grabe. We’re so used to hearing you sing so effortlessly that sometimes we take these things for granted. When your voice is the one thing you need the most, tapos ‘yun pa ‘yung nagiging problema. At wala tayong choice kundi maghintay, magpahinga, at umasa. Kaya sobrang miracle for me when I finally heard your falsetto again on the first day of the concert.
“We’ve done so many shows together since 2022. Ang dami na ring evolution na pinagdaanan mo through those concerts, from Becoming Ice to Being Ice, and now Ice Sings!. But this one hits differently.
“After 13 years together, something happened that I’ve always hoped you’d come to realize. And I’m glad it happened in your own time, when you were finally ready to embrace it.
“A few nights before the show, you shared with me how grateful you are for the voice you have today, and how, despite the times you’ve struggled with it, you’re happy with your choice to keep it just as it is. That conversation will always be such an important moment for me.
“Kasi finally, ikaw mismo, nayayakap mo na ‘yung boses mo. ‘Yung boses na matagal na naming mahal na mahal at niyakap. And hearing you share that realization with your fans during the Ice Sings!, the concert made me even prouder of you.
“Ang dami na nating pinagdaanan — I’ve seen you grow so much, not just as an artist but as a person. And to see you move forward, fully embracing and owning this voice of yours, just as it is, feels like the beginning of a whole new chapter for you.
“I’m just so grateful that I get to witness all of it and be part of this journey with you. So proud of you, my love. Always.”
Well, congratulations, Ice. Another successful show to remember.
Dahil sikat at rich na siya…
NANLALAIT NOON KAY VICE DAHIL BAKLA, BUMAIT NA RAW SA KANYA NGAYON
MAY sey ang It’s Showtime host at Unkabogable Star na si Vice Ganda tungkol sa mga taong nagbabago ang pakikitungo sa kapwa kapag may narating na ito sa buhay.
Ani Vice, “Prangkahan na tayo. ‘Pag may naabot ka sa buhay, mas mababait sa ‘yo ‘yung mga tao, ‘di ba? Mas close ka ng mga kamag-anak mo ‘pag may napatunayan ka na.
“Dati nga, ‘pag nag-uusap-usap, ‘Hmmm, ‘tong mga ‘to, dati inookray tayo kasi tatlo tayong bakla sa pamilya.’ Pero ngayon, porke’t nasa TV ako, ‘Uy, ba’t ‘di ka nagpupunta sa bahay?’
“Oh, talaga ba? Samantalang dati, inookray n’yo kami kasi puro kami bakla. Tapos, picture naman tayo. Talaga ba? Ganu’n naman, eh. Kaya minsan, may gusto ka ring patunayan, ‘di ba? You have to prove them wrong.”
Well, big tumpak ka r’yan, Meme. Iba talaga ang trato ng mga tao kapag may narating ka na sa buhay.
‘Yun lang, and I thank you.
Comments