First time ginawa… BARBIE, NAPABILIB SI ALDEN SA PAGIGING WILD

ni Rohn Romulo @Run Wild | September 3, 2026

Photo: IG _barbaraforteza

Tulad ng inaasahan, kakaibang Barbie Forteza na napakahusay ang mapapanood sa Saving Cherry (SC) mula sa Regal Entertainment, na showing na ngayon in more than 160 cinemas nationwide.

Ang role niya bilang Cherry ay ang wildest virgin you would ever see.

Pahayag nga ni Barbie, “She is the wildest woman I have ever portrayed to date. Si Cherry, s’ya ‘yung wildest and most freeing.”

Kaya naman, ang laki ng pasasalamat nila kay Direk Ivan Payawal dahil binigyan sila ng buong laya sa kani-kanilang eksena.

Aminado naman si Barbie na kahit siya ay nagulat na kinaya niyang gawin sa movie na i-unleash ang kanyang wild side, na hinding-hindi niya maaaring gawin sa TV series.

Bigay na bigay nga ang aktres at kitang-kita ang husay niya sa pag-arte, kaya talaga namang nagustuhan at kinaaliwan ng mga nakapanood sa star-studded grand premiere night na ginanap sa Gateway 2 Cinema 11 nitong Martes, September 1.

Nagpakitang-gilas din sa pag-arte sina Mika Salamanca, Mikee Quintos, AC Bonifacio at Sassa Gurl, na mga friends ni Barbie sa SC na nagdagdag ng katatawanan sa pelikula. Panalung-panalo ang pagsuporta nila sa pag-save kay Cherry. Tawang-tawa kami sa ‘washing machine’ at ‘glue’ scene.

Si Khalil Ramos naman ang asawang nag-cheat sa pelikula, na nagsabing huwag sana siyang kamuhian ng mga fans ni Barbie at manonood.

Kasama rin sa cast sina Joey Marquez, JC Alcantara, Kokoy de Santos, Almira Muhlach, Monina Lawrence at introducing si Than Perez, na may kani-kanyang ganap sa movie, lalo na si Kokoy.

Samantala, isa nga sa mga sumuporta kay Barbie sa movie ay si Asia’s Multimedia Star Alden Richards.

Labis-labis nga siyang pinahanga ni Barbie sa ginawa nito sa pelikula. Sa kanyang short interview, after na mapanood ang ilang part ng movie, sey ni Alden, “She’s one of the actresses I look up to in the industry na halos ka-generation ko.”

Pananaw ni Alden, hindi raw nagpe-fail ang aktres na magpakita ng kakaiba sa bawat project na ginagawa.

Pahayag niya, “Dito sa Saving Cherry, kita ko naman ang panibagong range n’ya, like there are certain scenes na puwede ko s’yang i-take ng linear when it comes to acting and how the lines will go, binigyan n’ya ako ng fluctuation, eh.

“So, wala talaga akong masabi kay Barbie. That’s why, you know, very close rin kami. Parang with all the projects she’s been doing ever since that I started to... medyo nagkaroon ng ‘Barbie revolution’ kasi for the longest time.

“Nakaka-proud lang to be able to witness this kind of project landing on her lap. Grateful din ako na kahit paano ay maraming nagtitiwala sa kanya na mga producers.”

Totoo naman ang obserbasyon ni Alden, napakahusay talaga ni Barbie sa pagganap na Cherry, dahil kitang-kita na pinag-aralan at kinarir talaga ang bawat eksena.

Pinaghirapan din ni Barbie ang pag-shift from drama to comedy and for being wild and naughty, kaya mapapapalakpak ka na lang at mapapa-thumbs up!

Pahayag naman ng aktres after ng premiere, “Lahat ng makakapanood ay maiintindihan when I said na, ‘This is the freeing film that I’ve ever done.’ Ito ang pinakanakapagpalaya sa akin sa tipo ng proyekto.

“Kaya malaki ang pasasalamat ko sa Regal Entertainment at kay Direk Ivan, at sa lahat ng bumubuo at mga aktor na kasama ko rito. Maraming salamat for coming on board and for joining me in this wild ride.”

Bravo, Barbie!

---

Bida ng I’m Perfect…

SYLVIA, PROUD NA NOMINADONG BEST ACTRESS-ACTOR SA GAWAD URIAN SINA KRYSTEL AT EARL

SOBRANG proud naman ang premyadong aktres-producer na si Sylvia Sanchez dahil nagkamit ng dalawang top category nominations sa 49th Gawad Urian ang I’mPerfect na mula sa Nathan Studios.

Sa kanyang Facebook (FB) post, labis-labis nga ang pasasalamat niya.

“Thank you, Gawad Urian, for this recognition,” sey ni Ibyang.

Aniya, “Malaking bagay sa amin na ma-nominate sina Krystel Go for Best Actress and Earl Amaba for Best Actor. More than inclusion, this is a recognition of their raw talent, hard work, and heart as artists.

“Beyond disability and labels, Krystel and Earl remind us that what truly matters is the talent, passion, and truth they bring to their craft.

“Proud and grateful. Congratulations, Krystel and Earl!”

Unkabogable Star, nakabog… VICE, INISNAB NG URIAN, LAGLAG SA MGA NOMINADONG BEST ACTOR

ni Rohn Romulo @Run Wild | September 2, 2026

Photo: IG _praybeytbenjamin

Ini-release na ng Manunuri ng Pelikulang Pilipino ang mga nominado para sa 49th Gawad Urian.

Pinakamaraming nominasyon ang historical drama na Quezon, sampu ang nakuha nito, samantalang tig-walo ang Cinemartyrs at Sunshine.

Narito ang mga nominado sa top categories.

Maglalaban-laban para sa Best Film ang Bar Boys: After School (BBAS), Bloom Where You Are Planted (BWYAP), Cinemartyrs, Quezon, at Sunshine.

Nominado naman bilang Best Director sina Nonilon Abao para sa BWYAP, Sari Dalena para sa Cinemartyrs, Antoinette Jadaone para sa Sunshine, Kip Oebanda para sa BBAS, at Jerrold Tarog para sa Quezon.

Sa Best Actress, kakalabanin naman ni Anne Krystel Daphne Go para sa I’mPerfect sina Nour Hooshmand para sa Cinemartyrs, EJ Jallorina para sa Dreamboi, Odette Khan para sa BBAS, Maris Racal para sa Sunshine, Rissey Reyes-Robinson para sa Paglilitis, Ruby Ruiz para sa Tigkiliwi, at Geraldine Villamil para sa Republika ng Pipolipinas (RNP).

Bongga rin ang tunggalian sa Best Supporting Actress nominees na kinabibilangan nina Dolly de Leon para sa Habang Nilalamon ng Hydra ang Kasaysayan (HNNHAK), Alessandra de Rossi para sa RNP, Elora Españo para sa Lakambini: Gregoria de Jesus (LGDJ), Jennica Garcia para sa Sunshine, Gina Pareño para sa LGDJ, Rochelle Pangilinan para sa Child No. 82 (CN82), at Eula Valdez para sa Paglilitis.

Pasok naman sa Best Actor sina Earl Jonathan Amaba para sa I’mPerfect, Jomari Angeles para sa Some Nights I Feel Like Walking (SNILW), Carlo Aquino para sa BBAS, Elijah Canlas para sa Rumaragasa, Julian Paul Larroder para sa Tigkiliwi, Jojit Lorenzo para sa HNNHAK, Miguel Odron para sa SNILW, at Jericho Rosales para sa Quezon.

Marami naman ang nakapansin na nalaglag sa mga nominado ng Best Actor si Vice Ganda para sa Call Me Mother (CMM), at naging usap-usapan agad ng mga netizens.

Samantala, sina Will Ashley para sa BBAS, Amado Babon para sa Magellan, Rico Blanco para sa Manila’s Finest (MF), Joshua Garcia para sa Meet, Greet & Bye (MGB), Enrique Gil para sa MG, Iain Glen para sa Quezon, at Nanding Josef para sa HNNHAK ang mga pinalad na makakuha ng nominasyon para sa Best Supporting Actor.

Ang Gawad Urian ay taunang parangal mula sa Manunuri ng Pelikulang Pilipino para kilalanin ang mga outstanding achievements sa Filipino cinema.

Gaganapin ang awards night sa Oktubre sa De La Salle University, Taft Ave., Manila.

---

TIYAK na ikinatuwa ng mga avid listeners ng Barangay Love Stories (BLS) ni Papa Dudut sa Barangay LS 97.1 ang magandang balita na ngayong September ay mapapanood na rin ito sa telebisyon.

Ang mga kuwentong sa radyo at podcast lamang tumatatak sa isip at puso ng mga nakikinig ay mapapanood na rin sa GMA-7 simula sa September 12, 4 PM, na papalit sa time slot ng Wish Ko Lang (WKL).

Tiyak na mas mapapalapit na sa mas maraming Kapuso ang mga kuwentong puno ng buhay, pag-ibig, at pag-asa dahil ang BLS ay nasa TV na rin.

Paalala nga ni Papa Dudut, “Ano man ang kuwento ng puso mo, may handang makinig sa ‘yo.”

Ayon pa sa multi-awarded radio host-DJ, parang Lovingly Yours, Helen (LYH) ni Ms. Helen Vela ang magiging atake ng BLS sa TV. Kaabang-abang ang first episode kung saan sina Shuvee Etrata at Anthony Constantino ang gaganap sa kakaibang istorya ng pag-ibig ng kanilang letter sender.

Kuwento pa ng sikat na radio personality tungkol sa kanyang show, “Larawan ng buhay ng isang Pilipino ang programang Barangay Love Stories na nagsimula noong 2009 at hanggang ngayon, 17 years, we are the longest running FM radio drama in Metro Manila, sa aking paniniwala at pagkakaalam.

“Pero kung sa buong Pilipinas na ‘yun, magiging masaya ako.”

Dagdag pa niya, “Ang listeners ko kasi, ‘pag napapakinggan nila si Papa Dudut, nararamdaman at nakikita ang sarili nila sa mga kuwentong isine-share ko sa radio.

“Palagi nilang nasasabi sa sarili nila na ‘Ako ‘yun, eh!’

“‘Yung simplicity of the program, genuine at pang-araw-araw na buhay ng tao, kaya maraming nakaka-relate. ‘Yun siguro ang dahilan kung bakit s’ya number one.”

Handa namang ibahagi ni Papa Dudut ang love story nila ng misis na si Jem.

Sey niya, “Willing akong i-share. Okey sa akin kung galing sa mga taga-PBB (Pinoy Big Brother), puwede si Bianca de Vera dahil kamukha ni Jem. Noong bata pa s’ya, ang tingin ko, si Bianca. Crush ko kasi ‘yun dahil kamukha n’ya. Meaning, una kong naging crush si Jem. Kamukha rin n’ya si Jillian Ward kaya puwede rin.”

Nang matanong din si Papa Dudut kung may kulang pa sa tagumpay na tinatamasa, “Marami pa. Marami pa akong gustong ibigay sa nanay ko. ‘Yung farm, naibigay ko na sa nanay ko, eh. Gusto rin daw n’ya ng resort, sabi ko ‘Sige, papagawa tayong resort.’ 

“Sana mag-number one ‘tong Barangay Love Stories sa TV, kaya sa mga nagbabasa, nakikinig, please support po. Sana 20-30 years din itong TV.”

Kaya suportahan natin ang DJ of All Media sa pag-ere ng kanyang Barangay Love Stories sa GMA tuwing Sabado nang hapon.

SB19, BINASTOS NG PINOY AIRPORT EMPLOYEE SA LAX

ni Rohn Romulo @Run Wild | August 26, 2026

Photo: IG _lizadino

Binalikan ng singer at member ng SB19 na si Justin de Dios ang encounter niya sa isang ‘disrespectful’ Pinoy na nagtatrabaho sa Los Angeles International Airport (LAX).

Sa in-upload na video ng P-pop King sa kanilang YouTube (YT) channel, ibinahagi nila ang kanilang experience sa historic performance sa Lollapalooza 2026 na ginanap sa Grand Park ng Chicago, Illinois noong July 30-August 2.

Ang SB19 ang first all-Filipino act na nag-perform sa nasabing music festival. At sa naturang YT vlog, naglabas ng sama ng loob si Justin.

Habang hinihintay daw nila ang kanilang luggage, nilapitan sila ng isang matandang babae para magpa-picture. Nakapagpakuha na raw ito kay Stell at nais pa niya sa ibang member.

Dahil hindi pa nga nase-settle ang mga bagahe, sinabihan ng kanilang manager na si Leah Gonzales ang babae na kung puwede raw ay kapag naayos na ang lahat, puwede namang magpa-picture.

Pero may lumapit daw na isang male airport employee na nakarinig sa pakiusap ng manager sa matanda. Paglapit daw nito, tinanong ang pangalan ng manager at nagsabing “Suplada ka, ah!”

Doon na nag-react si Justin sa tinuran ng airport employee.

Aniya, “Maayos naman ‘yung pagkakasabi ng manager namin, tapos ‘di naman s’ya ‘yung kausap, na-overheard lang.

“‘Di naman pinipigilan, nakapagpa-picture na nga si Nanay, ipinapa-stop na at later na lang.”

Laking gulat daw nila dahil ang dami nang sinabi nu’ng airport employee na para kay Justin ay ‘super disrespectful’ at nagpaparinig pa.

Ipinagmalaki pa raw nito ang mga pictures kasama ang ibang celebrities tulad nina Piolo Pascual at Gary Valenciano.

“Ang dami n’yang sinabi bigla, like, ‘‘Di pa nga sikat, ‘di pa nagpapa-picture. ‘Pag nasa harap na ng kamera, kumakaway-kaway, pero mga suplado naman,’ ganu’n,” seryosong kuwento pa ni Justin.

Tinanong pa raw si Justin kung member siya ng SB19. Nu’ng sabihin niyang “Oo,” sinabi nitong may female fans daw na nag-aabang sa labas. Tinawagan daw nito ang isa at nag-video pa, at ipinakitang kasama niya ang isang member ng SB19 nang walang permiso.

Kaya sobrang disappointed daw si Justin sa kanyang na-experience dahil kapwa-Pilipino pa raw ang nambastos sa kanila.

“Parang it’s very normal sa kanila, tapos kami pa ‘yung mali,” pahayag pa ng singer.

Pagtatapos pa ni Justin, “Grabe, wow! The ‘welcome committee’ sa pag-land ng LA is... shoutout to you, kuya!”

---

8 PINOY FILMS, PAGPIPILIAN PARA MAKAPASOK SA OSCARS

INILABAS na ng Film Academy of the Philippines (FAP) ang eight films na kasama sa shortlist na pagpipilian para maging official entry ng Pilipinas sa Best International Feature Film category ng 99th Academy Awards o Oscars.

Kinabibilangan ito ng mga sumusunod: 58th ni Carl Joseph Papa, All the Things I Leave You (Patawid) ni Jade Castro, Filipiñana ni Rafael Manuel, I’mPerfect ni Sigrid Andrea P. Bernardo, Manila’s Finest ni Raymond Red, Quezon ni Jerrold Tarog, Silenced Nights ni Lawrence Fajardo at Sisa ni Jun Robles Lana.

Ayon sa naging pahayag ng FAP Director General na si Paolo Villaluna sa inilabas na press release kahapon, Agosto 28, “The films this year offer a spectrum of views of the Filipino experience.

“They look at our history, the issues we continue to face, and the ways Filipinos deal with questions of power, identity, love, freedom, and survival.

“Each one has its own voice and approach, showcasing our cinematic merit and any of them has the potential to connect with audiences beyond the Philippines.”

Paniniguro pa ni Villaluna, “Whichever film we send to the Oscars will carry a Filipino story that we can be proud of.”

Ang 8 contenders ay kikilatisin ng National Selection Committee na kinabibilangan ng mga respetadong Filipino industry experts.

Aprubado ito ng Academy of Motion Picture Arts and Sciences (AMPAS) na masinsinang magsusuri sa mga isinumiteng pelikula base sa artistic merit, culture, relevance, at international campaign potential.

Ang announcement ng FAP sa mapipiling official entry ng ‘Pinas ay magaganap sa opening ceremony ng Philippine Film Industry Month sa Setyembre 4, Biyernes ng gabi, sa Shangri-La Plaza, EDSA, Mandaluyong City.

Good luck sa walong natatanging pelikula, and hopefully ay maganda at may global appeal ang mapili ng committee.