Makalimutan daw sana nina Zia at Sixto… DINGDONG, AMINADONG WALA NANG ORAS SA MGA ANAK SA SOBRANG BUSY

ni Rohn Romulo @Run Wild | November 7, 2025

Photo: IG _dongdantes

Kumpleto ang buong pamilya Dantes — ang mag-asawang Dingdong Dantes at Marian Rivera, Sixto at iba pang kapamilya — para suportahan ang singing recital ni Zia Dantes.

For the second year, kasama uli si Zia sa Grand Annual Concert ng RMA Studio Academy na may title na Destination: The World Stage na ginanap sa Proscenium Theater, Makati City last November 5.

Pinalakpakan nang husto ang performance ni Zia sa You’ll Be In My Heart song, pati na ang trio production number nila nina Scarlet Belo (anak nina Vicki Belo at Hayden Kho) at Nat Yanson (Aliw award child performer), at sa bonggang solo number niya ng Rolling in the Deep ni Adele na ibinirit din niya.

Kaya naman tuwang-tuwa ang mag-asawa na muling mapapanood sa kanilang reunion movie na Remember, na showing na sa November 11, sa napakahusay na performance ng kanilang panganay na anak.

Matatandaan na may inamin ang Kapuso Primetime King sa pagbisita nila ni Marian sa Pinoy Big Brother Collab 3.0 bilang bahagi ng promo ng kanilang movie na co-production ng Star Cinema, APT Entertainment, Agosto Dos Pictures at Regal Entertainment, mula sa direksiyon ni Mae Cruz Alviar.

May panghihinayang si Dong dahil sobrang busy ang schedule niya nitong nagdaang taon hanggang ngayong 2026, na aabot pa raw hanggang 2027, kaya marami siyang nami-miss na special moments nina Zia at Sixto.

Sa task na ibinigay ni Big Brother kina Marian at Dingdong ay kausapin ang mga housemates kung ano ang araw na gusto nilang ma-remember at ma-forget.

Naunang nagbahagi ang mag-asawa. Natanong ang Kapuso Primetime Queen kung ano’ng araw sa buhay niya ang gusto niyang maalala.

“Ang araw para sa ‘kin na gusto kong maalala is ‘yung araw ng kasal namin ni Dong. Kasi dream ko talaga magkaroon ng isang pamilya.

“S’yempre, hindi n’yo pa ako kilala, galing kasi ako sa isang broken family. Lumaki akong walang magulang sa tabi ko.

“So, sabi ko, ‘yun ang pangarap ko na magkaroon ako ng isang buong pamilya na may anak. ‘Yun ang gusto kong ma-remember,” pahayag ni Marian.

“Kasi dahil sa kanya (Dingdong) nabuo ang pangarap ko kasi may dalawang anak na kami. So, ‘yun ang gusto ko na palaging maalala,” dagdag pa ni Yan.

Para kay Dingdong, ang nais naman niyang malimutan ay ang tungkol sa mga kaganapan habang lumalaki ang mga anak.

“Mine would be, kasi ‘yung kids namin, they are so into many activities, mayroon silang singing recital, sports events, etc.,” pag-amin ng actor-TV host.

“The day I want to forget, siguro it’s not me forgetting but parang I want them to forget that day, na sana ‘di na nag-exist ang day na ‘yun.

“Kasi ang daming moments na dahil busy ako sa work. Sa aming dalawa kasi, ako ang busy this year.

“So, ‘di ako maka-attend, wala ako sa special moments nila sa school, or in their activities.

“And I know that parang gusto nila na nandu’n kami pareho. So I want to forget those moments and hopefully hindi nila maalala ‘yun at maalala nila ‘yung greater reason why wala ako ru’n. ‘Ah, wala s’ya ru’n because he’s working for us, working for our family,’” seryosong pagbabahagi pa ni Dingdong.

Anyway, congrats din kay Jade Riccio sa fabulous performance niya sa recital concert. Kilala siya bilang soprano at celebrity vocal coach/producer na may-ari ng RMA Studio Academy.

Sabihan na raw na mayabang siya, Xian… “I AM A GOOD PERSON. NO ONE CAN TAKE THAT AWAY” — ALDEN

ni Rohn Romulo @Run Wild | October 27, 2025

Photo: IG _aldenrichards02

Sa heartfelt opening speech ni Asia’s Multimedia Star Alden Richards sa awarding ceremony ng Hero For All 2026, ipinamalas niya ang kahalagahan ng pagtulong sa kapwa at paggawa ng mabuti.

Sa naturang event, pinarangalan ang 20 pambihirang Pilipino na nagpabago ng buhay at nagpaangat sa mga komunidad. Isa itong pagdiriwang ng pang-araw-araw na kabayanihan na pinangunahan ng Casino Plus sa pakikipagtulungan ng AR Foundation, kung saan tumulong si Alden sa pagpili ng 20 awardees mula sa buong bansa.

Ang haba raw ng naging journey nila tungkol dito. 

Anila, “A mix of excitement, joy, hardships, sacrifices, emotional roller-coasters and effort of every individual that is part of this campaign.”

Ito ang pahayag ni Alden, “I really believe that if there’s one thing we have to be consistent about in doing in this lifetime, na kahit ano pang dumating sa buhay natin, it’s doing good, being kind, being the change that we want to see in society.”

Dagdag pa niya, “Sometimes we have to negate the effect of society, especially during the times na ‘di na ‘to nakakabuti para sa atin.”

Pinuri ni Alden ang 20 awardees sa Hero For All 2026 dahil sa pagiging matulungin sa kapwa nang walang hinihintay na kapalit.

Aniya, “If this is one thing these heroes have in common, it’s selflessness. 

“The selflessness I’m talking about with the hero roster that we have is selflessness to the point of nakakalimutan nila ‘yung sarili nila. Because they wanted to do so much for the community and for other people.”

Naniniwala naman si Alden na, “And I think I am a good practitioner of that kind of principle.”

Kasunod nito ang isa sa pinakatumatak at makabuluhang bahagi ng kanyang talumpati sa kasagsagan ng kontrobersiyal na paratang sa kanya ng social media personality na si Xian Gaza.

Pahayag niya, “I really do believe that if there’s one thing I’m proud of, sabihin n’yo nang mayabang ako, pero alam ko, at the end of the day, I am a good person. No one can take that away.

“And I’m sure, gusto ko, ganu’n din ‘yung maging mindset ng mga heroes natin na you can be proud to tell the world that you’re a good person. Please be proud of that fact.”

Dagdag pa niya, “Keep on throwing that to the universe. It is a form of manifestation, na if you always do good, it will come back to you.

“But I’m not saying na kailangan kong gumawa ng mabuti kasi I need to expect something in return. No. Do good without expectations of it returning to you kasi one way or another, it will find its way back to you.”

Ipinagdiinan din ni Alden ang paggawa ng mabuti.

“Ang maganda kasi sa aspeto ng pagiging mabuti po ay libre. Libre s’ya, eh, at lahat ay puwedeng gumawa nito kahit ano pa ang estado mo sa buhay.

“Ang paggawa po ng mabuti at pagpili sa paggawa ng mabuti, eh, libre po sa araw-araw na ginawa ng Diyos,” paniniwala pa niya.

“So what I’m really trying to say is, and I would like to end with this statement, na be good so the world could be a little good at the end of the day.

“And if there’s one thing na ‘di mananakaw sa inyo ng kahit sinuman, ‘yun po ‘yung kabutihan ng puso.

“So guard it. Guard it with your life. And always be concerned about the people around you,” pagtatapos ni Alden sa kanyang speech.

Anyway, isa-isang ipinakita ang kuwento ng kabayanihan ng mga awardees sa proyektong ipo-produce ng Myriad Entertainment Corp., kung saan si Alden ang magsisilbing host.

Ipinanood sa naturang event ang kuwento ni Rhodora Tuñacao, na isang araw pa lang sa Hong Kong bilang domestic helper ay naharap agad sa pagsubok dahil sa sunog na naganap sa Wang Fuk Court, kung saan iniligtas niya ang three-month-old baby.

Ang iba pang unsung Filipino heroes na pinarangalan ay sina Zacharias Mansing, Tristan Limin, Chef Jayson Maulit, Aris Villaester, Dominga Cabiong, Eleanor Olegario, Marinelle de Guzman, Carla dela Cruz, Gretchen West, Ed Castillo, Romano Hurano, Imelda Areola, Isagani Areola, Joy Barcelon, Angyl Ababat, Jason Cardente, Renny Boy Takyawan, Kenneth Coo at ang singer na si Jona Viray.

Mabuhay si Alden!

Fans, ilang beses nag-standing ovation… FINALE CONCERT NI REGINE, TODO-IYAKAN

ni Rohn Romulo @Run Wild | October 20, 2026

Photo: IG _rochellepangilinan

After ng Finale concert…

DOCUMENTARY SA BUHAY NI REGINE, SA 2027

Muling dumagsa ang libu-libong tagahanga ni Asia’s Songbird Regine Velasquez-Alcasid sa SM Mall of Asia (MOA) Arena nu’ng Linggo (Oct. 18) upang saksihan ang ikalawang gabi ng three-night sold-out FINALE concert nito.

Bahagi ang concert ng 40th anniversary celebration ni Regine sa entertainment industry.

Katulad ng first night, nakatanggap siya ng ilang ulit na standing ovation mula sa audience sa opening song pa lang na Narito Ako.

Kaya naman, sa second song na You Are My Song pa lang ay naiyak na si Regine. Hinayaan muna niyang kantahin ito ng mga nagmamahal sa kanya bago niya ipinagpatuloy.

Isinunod niya ang You’ve Made Me Stronger, Call Me, Araw-Gabi, Bluer Than Blue at Kung Kailan Pa.

Masuwerte naman ang mga nakapanood sa Day 2 dahil free concert ito na alay niya sa kanyang mga supporters. 

Well, marami rin ang gustong bumili ng tickets online at kahit sa mga scalper, kung mayroon ay papatusin nila.

Ang maganda pa, happy ang lahat dahil super special ang guest ni Regine. Nakasama niya ang original ka-duet na si Jose Mari Chan sa Please Be Careful With My Heart. Marami ang napa-throwback at naiyak.

Isa naman kami sa mga natuwa at naiyak nang lumabas ang mga kaibigan ni Songbird na sina Mikee Cojuangco at Donna Cruz para kantahin ang I Can at A Little Love Goes a Long Way sa Day 1.

Nag-reunion uli sina Donna, Regine at Mikee, na bumida sa hit 1996 musical comedy film na Do Re Mi na ipinalabas noong November, 1996, kaya turning 30 yrs. na ang pelikula.

Anyway, sa Day 2, ganu’n pa rin ang impact ng pagsasama ng tatlo, kaya tama ang desisyong isama ito sa three-night concert.

Ngayon lang din niya kinanta ang Isang Lahi, ang first theme song niya mula sa 1986 movie na Gabi Na, Kumander starring Phillip Salvador.

Sunud-sunod din niyang inawit ang mga theme songs mula sa kanyang mga movies na composed lahat ng asawa niyang si Ogie Alcasid. Sa dulo ay nag-duet sila sa Hanggang Ngayon.

Pagkatapos ng performance nila, buong-pagmamalaking sinabi ni Ogie na hindi siya nahirapang gawan ng theme song si Regine dahil siya ang inspirasyon nito.

Pagpapatuloy pa ni Ogie, “You are the greatest singer of this beloved country of ours.”

At kahit nag-FINALE concert na siya sa big venue, hindi naman matatapos ang pagmamahal at pagsuporta ng mga Reginians.

Samantala, binigyan din ng spotlight sa naturang concert ang DNA, isang P-pop girl group na binubuo ng mga pamangkin ni Regine. Kasama rin niyang nag-perform ang binuong banda ng anak niyang si Nate na Meet Me at the Elevator.

Hindi rin niya nakalimutang mag-alay ng kanta sa kanyang Tatay Gerry. Ito ang Leader of the Band, at muling naging emosyonal si Regine dahil nami-miss pa rin niya ang kanyang ama na 89 years old na sana kung nabubuhay pa.

Muli siyang nakatanggap ng standing ovation mula sa audience nang kantahin at ibirit ang On the Wings of Love, In Your Eyes at What Kind of Fool Am I? na posibleng huling beses na niyang kakantahin.

Bago natapos ang concert, ipinakita na magkakaroon ng documentary film tungkol sa life and legacy ni Regine na ipapalabas sa 2027.

Ang huli niyang kinanta ay Shine, na ibinirit din niya nang husto.

Natapos ang Day 2 ng FINALE sa segment na ‘Regine-oke’, kung saan inikot ni Songbird ang SM MOA Arena sakay ng isang mechanical golden bird float habang kinakanta ang medley na Dancing Queen, Dance With Me, If Ever You’re In My Arms Again at Crazy For You.

Halos lahat ng nanood ay puring-puri pa rin si Regine dahil totoong reynang-reyna at nag-iisa pa rin sa husay sa pag-awit ang Asia’s Songbird.

For sure, may matindi ring pasabog sa last night ng FINALE kagabi.

Aabangan din kung papayag ba ang mga taga-ibang lugar na hindi ma-experience ang matagumpay na concert series.

Congrats, Regine, at sa mga bumubuo ng FINALE concert series.