Kris, todo-dusa, BF, todo-pasarap sa golf… NETIZEN KAY VG MARC: USER KA!

ni Julie Bonifacio @Winner | July 20, 2023

Dinagsa ng iba’t ibang reaksiyon ang simpleng comment ng ex-boyfriend ni Kris Aquino na si Batangas Vice-Governor Marc Leviste sa Instagram post ng ina nina Joshua at Bimby recently.

Ang naturang IG post ni Kris ay tungkol sa rason kung bakit nakipaghiwalay siya kay Marc. Sa kabila ng emote ni Kris against Marc, ipinakita pa rin ng VG ng Batangas ang pagmamahal sa kanyang ex-girlfriend.

Comment ni Marc sa naturang post ni Kris, “Love, love, love you-all.”

May mga netizens na sinabihan si Marc na patuloy na mahalin si Kris at unawain na lamang ang kalagayan ng dating TV host.

Say ng netizen, “@markleviste Sir, love will always find a way.”

At sinagot naman ito ni Marc ng, “Yesss! Yesss!”

Pero may mga “harsh” din na komento para kay VG Marc at kampi sa mga sinabi ni Kris.

“Kris very well said, alam ni Marc na ‘di siya maka-travel, pero para namang nang-iinggit ito dahil todo-travel, with wide smile at puro golf pa ang ginagawa. Nagtatrabaho pa ba siya o panay pasarap lang? Sorry to say, pero ‘di totoo ang feelings niya sa ‘yo, Kris. Ginagamit ka lang niya.

No worries, you have your two boys, ‘di mo kailangan ang ibang lalaki sa buhay. Laban lang.”

“Baka ang will lang ni Kris ang gusto at ginamit lang niya ito para magpabango sa susunod na halalan? May tawag doon, ‘Mr. User.’”

Sa kabila nito, tanging mga laughing at peace emojis lang ang reply ni Marc sa mga akusasyon sa kanya ng mga bashers.

Ang reply ni Marc sa mga negative comments ng mga bashers niya, “Good vibes only.”

At the same time, may mga nainis din sa ibinigay na rason ni Kris kung bakit siya nakipag-break kay Marc.

“Nakita lang na masaya ang BF, nakipaghiwalay na? Hindi ba dapat, happy ka for him kasi nga happy siya? Kahit na dapat ay malungkot siya dahil sa kalagayan mo? Please, don’t hate my comment, opinion ko lang ito.”

Ganyan sila ka-toxic sa socmed.