KRIS, KUMANTA KUNG ANO SI VG MARC LEVISTE SA BUHAY NIYA

ni Vinia Vivar @Frankly Speaking | April 17, 2023

Nakiusap si Kris Aquino sa kaibigang si Batangas Vice-Governor Marc Leviste na huwag nang mag-comment pa sa kanyang mga posts.

Sa bagong Instagram post kasi ni Kris na nagbigay siya ng health update ay nag-react ng tatlong emojis (hugging face, yellow heart and folded pray hands) si VG Marc at marami na naman ang kinilig.

Sumagot agad si Kris dito at pinagsabihan ang kaibigan sa maayos na paraan, in fairness. At napakaganda naman ng pagkakasabi ng Queen of All Media, ramdam namin ang kanyang sincerity na ayaw na niyang mabulabog pa ang mundo nito because of her.

"Please don't comment anymore, even though they were just emojis? You've been a blessing to be with me/us every step of the way since my birthday- because you've seen the deep bone pain I endure, the hives & bruises that multiply when exposed to the wrong environment and you worry together w/ Bimb, my team and the rest of my adoptive Houston, OC and LA families when my BP starts rising and hits a triple whammy with the systolic at 150+, the diastolic at 105+ and my heart rate hitting 100, too," ani Kris.

Na-appreciate nang husto ni Kris ang genuine na pag-aalala at pagke-care sa kanya ni VG Marc at lubos siyang nagpapasalamat sa kaibigan.

"Your willingness to be here to see me through these difficult tests and nonstop doctors'

appointments has made me even more grateful to have gotten to know the real you better. (A lot of the pictures in this video were taken by the vice-governor of Batangas who has mastered the art of iPhone photography)," mensahe ni Kris sa pulitiko.

Nagbigay din siya ng mensahe sa mga constituents ni VG Mark at nagbigay ng assurance sa mga ito na hindi niya hahayaang mapabayaan nito ang trabaho dahil sa kanya.

"Sa mga minamahal ni Vice-Gov. Marc na mga Batangueños, I have 2 tests left to determine kung kakayanin ko 'yung mga ipapasubok na bagong gamot sa 'kin. Praying all goes well, because KAYO ang boss niya at wala sa job requirement ng VG ang tumulong mag-alaga sa 'kin.

"Parati kong ipinapaalala kay VG Marc ('yun 'yung correct spelling) his responsibilities in Batangas, 'di hamak mas mahalaga kumpara sa 'kin, dahil pinagkatiwalaan n'yo siya ng inyong boto. I grew up knowing: public service is a PRIVILEGE & it's an accepted reality, serving the people, whether ibinoto ka o hindi, that's more important than any friendship or romantic relationship," sey ni Kris.

Patuloy pa niya, "Love teaches you how to be patient; constituents in need of social services are not expected to be, because the mandate they gave is based on RESPECT & TRUST; and for all of us, life is difficult enough."

Sa huli ay nangako pa si Kris na hindi na niya gagambalain si VG Marc para makapag-focus na ito sa mga responsibilidad sa Batangas.

"Pasensiya na po, kinailangan ko lang po ng masasandalan at hindi niya ko binigo - mga Batangueños, hindi ko na po siya gagambalain para 'yung FOCUS niya ay sa inyo na," ani Kris.