Korupsiyon sa gobyerno, kinukunsinte na lang ng konstitusyon, hmmm…

ni Ka Ambo - @Bistado | September 14, 2021

Uso na naman ang tradisyunal na trangkaso.

Dedma lang ang DOH!

◘◘◘

BISTADO na ang korupsiyon sa gobyerno.

Wala lang.

Kinukunsinte ‘yan ng Konstitusyon!

◘◘◘

HINDI sapat ang mga probisyon sa Konstitusyon upang masawata ang korupsiyon.

Walang kamandag ang batas!

◘◘◘

TEORYA lang ang check and balances at co-equal branches kuno ng gobyerno.

Inutil ang mga constitutional commissions tulad ng COA, civil service commission, Comelec, Sandiganbayan at Ombudsman!

◘◘◘

MASYADONG malakas ang poder ng pangulo o ehekutibo.

Nadidiktahan ng superpangulo ang lehislatura at hudikatura!

◘◘◘

HINDI mareresolba ang korupsiyon dahil dispalinghado ang Konstitusyon kontra korupsiyon.

Mula barangay hanggang Malacañang ay talamak ang korupsiyon!

◘◘◘

HINDI kailangan ang ebidensiya kontra korupsiyon dahil aktuwal na saksi ang ordinaryong mamamayan.

May butas ang batas!

◘◘◘

NAGSISIMULA ang korupsiyon sa mismong election.

Bigo ang Comelec na ipatupad ang election code kaugnay sa vote buying at illegal na kampanya.

Mayayaman at mandarambong ang mga nahahalal!

◘◘◘

BIGO ang hudikatura na ayusin ang proseso sa prosekusyon kontra sa mga korup.

Ang Sandiganbayan at Ombudsman ay walang silbi!

◘◘◘

ANG Commission on Audit ay walang kakayahan na bantayan ang proseso ng paglalabas, paggastos at gugulin sa pamahalaan.

Walang nagbabantay sa COA kaya’t posibleng kakutsaba rin sila sa mandarambong!

◘◘◘

SA barangay ay malaya ang paniningil pero walang maayos na pag uulat.

Walang maayos na resibo at walang maayos na proseso!

◘◘◘

TALAMAK ang nakawan sa LGU.

Probinsiya, bayan at siyudad ay igarapalan ang pagnanakaw sa kaban ng bayan.

Walang nagbabantay sa transaksiyon!