Korean suitor ni Kristel, tagilid dahil 'di INC

ni Angela Fernando - Trainee @News | March 3, 2024

Ibinahagi ni Kristel Fulgar sa kanyang latest interview na gusto na niya ang Korean suitor ngunit hindi niya nakalimutang linawin ang real score sa kung ano'ng meron sila.

Hindi kasi naiwasang mausisa sa panayam kung may label na ba sila ng kanyang manliligaw.

Sey ni Kristel, kahit gusto na niya ang Korean suitor, imposible pa sa ngayon na ma-label niya itong boyfriend dahil sa isyung kadikit sa kanyang religion.

Saad ng actress-vlogger, kailangan sa Iglesia ni Cristo (INC) na parehas ang religion n'yo ng iyong magiging partner.

Paliwanag ni Kristel, very careful siyang tao at ayaw niyang makagawa ng mali kaya ibinahagi niya lang ang patungkol sa manliligaw sa kanyang vlog nu'ng nasa proseso na ito ng pagpapa-convert.

Matatandaang isinapubliko ni Kristel ang very private niyang manliligaw nu'ng Pebrero 9 sa kanyang vlog na inulan ng "sana all" mula sa mga supporters ng actress-vlogger.