Knows n'yo na 'yan, Carmina at Zoren? DARREN, NADULAS SA KASAL NILA NI CASSY, BIGLANG BAWI

ni Julie Bonifacio @Winner | December 18, 2023

Nadulas si Darren Espanto sa grand mediacon ng When I Met You in Tokyo nu’ng i-welcome niya ang media sa reception ng kasal nila ng on-and-off cam love team na si Cassy Legaspi.

Pero bigla rin niyang binawi ang kanyang joke lalo na nu’ng pabirong sitahin din siya ni Cassy sa sinabi niya.

Magkasama sina Darren at Cassy sa When I Met You in Tokyo na pinagbibidahan nina Vilma Santos at Christopher de Leon.

In denial pala si Darren nu’ng una when he was offered na makasama sa “reunion movie” nina Vilma at Boyet.

Paliwanag ni Darren, “Sa sobrang ganda po ng project, tinanong ko nang ilang beses ang management ko like ‘Totoo ba siya?’ ‘Matutuloy ba siya?’ Kasi, bakit? Parang bakit ako?

"And siyempre, since I’m with Cass naman, it made easier din po and has a lot of fun shooting the film. Saka, it’s an honor po talaga to be part of When I Met You in Tokyo.”

Kahit kabado sa eksena with Ate Vi and Boyet, ginalingan na raw niya nang husto.

Nakadagdag ng confidence niya ang sinabi sa kanya ng box office director na si Cathy Garcia-Molina na “aktor” na raw siya.

Unang naidirek si Darren ni Direk Cathy sa pelikulang The Hows of Us. Bata pa si Darren that time.

“'Yung Hows of Us, wala pa talaga. I’m happy to be working with her again,” say ni Darren.

Samantala, nag-trending si Darren dahil sa biro niya kay Kim Chiu sa It’s Showtime. Inakala ng marami na may kinalaman ‘yun sa nababalitang hiwalayan ni Kim at ng boyfriend niyang si Xian Lim.

“Kasi I was pertaining to Julianna, her character po in Linlang siyempre. Ang theme song po ng Linlang ay ‘yung Ano’ng Nangyari sa Ating Dalawa?.

“Tapos, ayun, na-realize ko na lang lately na ganoon ang reaksiyon ni Ate Kim. Opo, ‘yun nga, eh. Tapos nag-viral na. But ‘yun nga, I was like, ‘Ate Kim, hindi talaga. I’m sorry. Sorry, sorry, sorry.’

“Sabi ni Ate Kim, ‘Ano ka ba? It was a joke naman.’ Saka sabi niya, 'Masaya naman and you don’t mean anything personal naman.'

"Saka Ate Kim and I naman, totoong magkaibigan po kami,” lahad ni Darren.

Nagbigay din ng reaksiyon si Darren sa hiwalayang Kathryn Bernardo at Daniel Padilla.

“As a friend po of Ate Kath and Kuya DJ, nalungkot ako for what happened. But I’m just glad that, you know, there’s still, ‘yun nga po sa Christmas special, magkasama sila and they did prods (production number) together.

“So, I really commend the both of them and I respect both Ate Kath and Kuya DJ. You know, whatever they’re going through, as a KathNiel fan din naman, we’re here to support their respective careers,” sabi niya.

Lastly, ishinare ni Darren sa amin ang kanyang Christmas wish.

“Sana marami ang manood ng When I Met You in Tokyo. At saka, maraming awards,” dasal niya.

Magiging super abala raw si Darren on Christmas Day dahil iikot siya sa mga sinehan kung saan palabas ang When I Met You in Tokyo.