Klub Don Juan Derby at Juvenile Fillies sa MMTCI

ni Ding Taboy - @Renda at Latigo | November 8, 2020

Magaganap ngayon ang apat na malalaking karera kabilang ang Juvenile Fillies and Colts Stakes Races, Klub Don Juan Derby at Golden Girl Stakes Race sa Metro Manila Turf Club Inc. (MMTCI), Malvar, Batangas.

Unang magaganap ang tagpo ng Juvenile Fillies stakes race na paglalabanan ng 11 kabayo. Ang mga kalahok ay kinabibilangan ng Kiss Muna, Flottering You, Charm Bell, Narrative, Kevlar, Lovely Julliana, Forrest Gump, Money Charger, Kalanggaman Island, Meteora at Isla Puting Bato.

Maghaharap sa Juvenile Colt Stakes Race ang 8 kabayo na kinabibilangan ng Ambisiosa, Bravo, Stayinthemoment, Work Bell, Tiger Boy,Nuclear Bomb, La Casa De Papel at May Sweet Lord. Tatanggap ng P900,000 ang magiging kampeon sa Juvenile Fillies at Colts at tatanggap ng P337,500 ang 2nd place, at may P187,500 ang 3rd place at makakakuha ng P75,000 ang 4th place.

Limang kabayong imported ang maghaharap sa Klub Don Juan Derby na pangungunahan ng In the Zone,Sky Candy,Wish Afan A Star,Palibhasa Lalake at Kick the Gear. Naghihintay ang P600,000 sa unang premyo, tatanggap ng P225,000 ang 2nd place habang P125,000 at P50,000 sa 4th place.

Maghaharap ang anim na kalahok sa Golden Girl Stakes race ang Animo, Huckleberry,Gomper Girl, Will to Win,Shoo-in at Truly Ponti. Tatakbuhin ng mga kalahok ang distansiyang 1,600 meters at paghahatian ang guaranteed prized na P300,000.