Kinarir ng ex ni Richard, nagkasakit… SARAH, KUMAKANTA NA SA MALILIIT NA BAR
ni Nitz Miralles @Bida | November 12, 2026
Photo: Sarah Lahbati music gig - IG
Hindi na lang basta nakiki-jamming si Sarah Lahbati, pumupuwesto na rin siya sa mga small bar. Dapat ay may gig ang aktres noong November 11 sa isang jazz bar at kasama niya si RJ Pineda.
Sey kasi sa post, “A Night of Jazzy Timeless Tunes. Join us for another night of melancholic tunes. We had so much fun last time that we have to do it again. Jazzy bluesy tunes for the midweek.”
Kaya lang, hindi natuloy ang gig ng aktres sa nasabing petsa dahil nagkasakit siya.
Aniya, “I’m sorry to share that tomorrow’s show at 78 Salcedo with @rj_pineda and the band will have to be postponed due to health reasons. I’m currently in the hospital and hoping to recover soon.
“Thank you so much for your understanding. I hope to see you all again soon once we have a new date.”
Nagugustuhan ng mga fans ang boses ni Sarah at ang style nitong jazz dahil hindi lahat ng singer ay komportable sa ganitong istilo.
Nakasulat din na two sets ang performance ni Sarah. Siya ang vocals, kaya ang mga fans, gusto siyang makitang nagpe-perform. Nagpa-sample na ito nang kinanta ang What I Did for Love. Si RJ naman, sa piano.
Kasama ang kapatid…
KIM, NAG-POST NG PIKTYUR NA NASA CANADA PERO ‘DI IPINAKITA ANG MUKHA
HINDI naman pala nagtatago si Kim Chiu habang nasa Canada. Nag-post ito ng photo sa kanyang Instagram (IG) Story kasama ang kapatid na lalaki na si John Paul Chiu.
Hindi kita ang mukha ng aktres-host pero siya ang naka-finger heart habang nagbe-breakfast.
May overlay text ang post ni Kim na, “Good morning! Pinoy breakfast sa taga-Canada! Off to @houseoflittlebunny.oh 3rd pop-up store. This Saturday Nov. 14 in Trinoma! Thank you so much, John na tibuok jud nimo (talagang buo mong ginawa) everything. My not so little brother anymore!”
Aabangan ito ng mga fans sa Sabado dahil baka bumalik sa bansa si Kim para nga sa pop-up store niya. Puwede naman siyang bumalik sa Canada after the opening ng bago niyang branch.
Dismayado ang ibang mga fans, hindi nila masyadong makita ang mukha ni Kim sa post. Mahilig pa naman silang magbigay ng meaning kapag may nakita silang pagbabago sa mukha o katawan ng aktres.
IBA ang pasabog ni Ai Ai delas Alas sa kanyang 62nd birthday kahapon, November 11. May pa-AI (artificial intelligence) reel, nakasakay siya sa sports car saka lumapit sa birthday cake at nag-blow ng candle.
Sabi nito, “Some chapters broke my heart, but other chapters gave me children, grandchildren, a fulfilling career, and a thousand reasons to smile. To God all the glory and honor. Thank you for the gift of life, Lord. Here’s to another year of grace and gratitude. Cheers.”
Ilan sa mga showbiz friends niyang bumati ay sina Eugene Domingo, Gladys Reyes, Kim Rodriguez, Vina Morales, Faith da Silva, Allan K., Bayani Agbayani, at marami pang iba.
May masakit na pinagdaanan si Ai Ai this year. Ang maganda lang, nalampasan niya ito at masaya siyang nagmu-move on. Nakakatulong sa kanya ang pagiging busy sa trabaho, kung saan nakakalimutan niya ang nangyaring malungkot sa personal niyang buhay.
Comments