KIM AT BELA, 'DI INVITED SA KASAL NI ANGELICA, NAGPUMILIT LANG

ni Vinia Vivar @Frankly Speaking | January 25, 2024

Matapos ang breakup with Xian Lim, balik si Kim Chiu sa paghahanap ng “the one” for her.

Sa latest interview sa kanya ng ABS-CBN ay tinanong ang aktres kung ano pa ba ang hinahanap niya ngayon since nakamit na niya ang halos lahat ng dapat ma-achieve ng isang aktres na tulad niya.

“Ay, grabe, hindi naman lahat!” pagkontra ni Kim.

Pero sey niya, “Hinahanap ko si ‘the one,’ charot!” sabay-tawa.

Natatawa pa niyang sey, “Hinahanap ko siya pero huwag muna sana ngayon. Busy ako.”

Soon daw ay mahahanap din naman niya siguro ang ‘the one’ for her.

“Soon. Siguro, nagme-merienda pa siya,” pagbibiro pa ni Chinita Princess.

Pero hindi naman daw ito ang kanyang priority ngayon.

“Hindi naman, hindi pa naman. Pero let’s ano, take it day by day and enjoy and live for the moment. And just chill, have fun,” ani Kim.

Natanong nga rin sa aktres ang tungkol sa naging pagdalo nila ni Bela Padilla sa kasal nina Angelica Panganiban at Gregg Homan sa US kamakailan at aniya, very few lang daw talaga ang nandu’n at hindi nga rin daw sana sila invited, pero nagpilit daw talaga sila.

“'Yung wedding nga nila sa US, sobrang intimate lang, very family lang talaga and chosen friends. Chosen friends? Hindi talaga kami in-invite pumunta ru’n,  pinilit lang namin. Sabi (namin), ‘Hindi puwede namin ma-miss na ikakasal ka, magpapalit ka ng apelyido na wala kami ru'n.’ So, pumunta talaga kami ru'n,” kuwento ni Kim.

Of course ay masayang-masaya raw siya para sa kaibigang si Angelica na nahanap na nito ang ‘forever.’

“Sobrang ano, as in magang-maga ‘yung eyes namin ni Bela. Iyak talaga kami nang super kasi deserved niya talaga ang makahanap ng forever and that is Gregg,” sey pa ni Chinita Princess.