KIM, 8 ORAS NAKATAYO MAPANOOD LANG ANG CONCERT NG BLACKPINK

ni Vinia Vivar - @Frankly Speaking | November 6, 2022

Ramdam na ramdam namin ang kaligayahan ni Kim Chiu sa kanyang bagong post sa Instagram kung saan ay ikinuwento niya ang kanyang super memorable experience nang manood ng concert ng Korean girl group na Blackpink sa US.

Kasalukuyang nasa Amerika si Kim para sa ASAP Natin To show. At timing naman na may US concert tour ang Blackpink titled Blackpink In Your Area or Blackpink World Tour kaya super happy ang aktres na matagal nang Blink (tawag sa fans ng nasabing K-pop group).

Sa short video na ipinost ni Kim ay makikitang nasa audience siya na masayang-masayang nakiki-dance pa sa kanta ng Blackpink. Kinunan din niya ang performance ng grupo habang nasa stage.

Sa caption, obvious na tila nasa cloud nine pa si Kim at sulit daw ang walong oras niyang paghihintay. She described the experience as best night ever, best concert ever at lahat ng ever.

“BLACK PINK IN YOUR AREA!!!! #BornPinkWorldtour

“No words!!!! SIMPLY THE BEST NIGHT EVER!!! BEST CONCERT EVER!!!! BEST GIRLS EVER!!! BEST SIDE TRIP EVER!!!! EVER NA SA LAHAT NG EVER! 8 hours of standing was super worth it. Saw them up close and personal with matching eye contact, wave-wave, and smile-smile. ANG GANDA AND ANG SAYA NG CONCERT!!! From sound check to the performance,” sey ni Kim.

Ayon kay Kim ay lumipad pa siya back and forth ng Las Vegas at Georgia para manood ng concert at bumalik daw siya na masayang-masaya.

“OA 'yung feeling kahit na nilalabanan ko 'yung jetlag ko and all. Grabe, no words can describe as a BLINK, this trip is super-mega worth it. Flew back and forth early morning flight alone to Georgia back to Vegas with happiness and kilig in my blink heart!!

“Special thank you to @danabinnie for this experience plus for taking care of me since I arrive hanggang pag-uwi. Super, thank you, Mrs. Lacy! You don’t know how much this made me happy!

Ahahha! To all the Filipino we met, thank you for being kind and generous!!! Vlog hopefully this Sunday!” aniya.