Kelvin, naabuso sa edad na 8

ni Angela Fernando @News | June 1, 2024

Nag-guest ang aktor na si Kelvin Miranda sa YouTube channel ni Toni Gonzaga na “Toni Talks” at ibinahagi ang kanyang buhay bago mag-artista.

Pagbabahagi ni Kelvin, nag-umpisa siyang tumanggap ng mga supporting roles dahil hindi siya bilib na kaya niyang gampanan ang mga main character roles ngunit kinumbinse raw siya ng kanyang kapatid at ina.

Sa mga ginampanan niyang roles, may nag-trigger daw talaga sa kanyang Bipolar Disorder Type 1, at 'yun ang pagiging perfectionist na chef sa palabas na “The Lost Recipe.”

Nadala raw niya sa kanilang tahanan ang kanyang role at doon na sumangguni sa professional help ng psychologist.

Sey ni Kelvin, rooted daw sa pinagdaanan niya nu'ng siya'y bata pa ang kanyang bipolarity at Posttraumatic Stress Disorder (PTSD) at inaming naabuso siya nu'n.

Siya raw ay 8 or 9-anyos nu'ng nangyari ang pang-aabuso kaya kinailangan niyang mag-reground at balikan ang mga tao at lugar na nakasalamuha niya dati.

Hinangaan ng madla ang naging matapang at emosyonal na pag-amin ni Kelvin at ang pagharap niya sa kanyang mga mental health issues na “taboo” pa rin para sa iba.