Keep Da Trick sa arangkada ng 2-YO

ni Green Lantern - @Renda at Latigo |November 26, 2022

Inaasahang malaking suporta ang makukuha ni Keep Da Trick sa mga liyamadista pag-arangkada ng 2-Year-Old Maiden Race na ilalarga sa Metro Turf, Malvar - Tanauan City sa Batangas ngayong araw.

Sasakyan ni class A rider John Alvin Guce, makakalaban ni Keep Da Trick sina Mucho Caliente, Malibu Bell, Sonic Clay at Jeng Wears Prada sa distansiyang 1,200 meter race.

Nakalaan ang added prize na P15,000 para sa mananalong kabayo na inisponsoran ng Klub Don Juan De Manila habang ikakalat naman ang karagdagang P10,000 sa 1st hanggang fourth para sa winning trainers na nagmula ang pa-premyo kay horse owner Elmer De Leon.

Ang nasabing event ay suportado ng Philippine Racing Commission, (PHILRCOM) sa pamumuno ni chairman Reli De Leon.

Samantala, nagwagi noong linggo sa stakes race si War Cannon nang angkinin ang korona sa MARHO Breeders' Classic na inilarga sa parehong lugar.

Sinakyan ni class A jockey Kelvin Abobo, inirehistro ni War Cannon ang tiyempong 2:05.6 sa 2,000 meter race sapat upang ibulsa ng winning horse owner na si Melainie Habla ang P1.2-M premyo.

Dumating na segundo si King Tiger na sumungkit ng P450,000 habang pumangatlo at pumang-apat sina Shining Vic at Gusto Mucho na nagbulsa ng tig- P250,000 at P100,000 ayon sa pagkakasunod. Nag-uwi rin ng premyong P25,000 ang breeder ng winning horse.

Mga Pili ni Green Lantern:

Race 1 - Hugo Bozz (5), Mellifluous (6)

Race 2 - Keep Da Trick (4), Malibu Bell (3)

Race 3 - Jubilum (4), Advocay/Gugma (1/1A)

Race 4 - Pitong Gatang (1), Christiano (5)

Race 5 - Sky Dancer (7), Speeding Hero (4), Mandatum (2)

Race 6 - Patong Patong/Asiong (5/5A), Mommy Caring (2)

Race 7 - Euroclydon (4), Lucky Savings (10), Enzo (8)

Race 8 - Awesome Cole (7), Heavenly Star (1)

Race 9 - Candaba (6), Pharaoh's Bell (1), Don Lucas (4)