Kaya walang tumatagal na dyowa… MARKKI, UMAMING MAY ADHD

ni Reggee Bonoan - @Sheet Matters! | June 4, 2022

Nasa Vivamax na ang boy's love series na Love at The End of the World simula pa noong Mayo 31 na produced ng Temporary Insanity at idinirek ni Shandi Bacolod.

Ang Love at the End of the World ang dream BL series ni Direk Shandi dahil aniya, realidad ang kuwento nito na tungkol sa pagmamahalan ng dalawang lalaki at ano ang gagawin kapag malapit nang magunaw ang mundo.

Napanood na namin ang series at naaliw kami sa mga dialogues na pakiramdam din namin ay wala itong script dahil bulgar ang mga salitang ginamit.

Anyway, isa si Markki Stroem sa mga bida ng Love at the End of the World na umaming may Attention Deficit Hyperactivity Disorder o ADHD sa ginanap na virtual mediacon kamakailan.

Pero hindi naging hadlang sa mga ginagawa ni Markki ang pagkakaroon niya nito.

“My ADHD was such a detriment sa akin dati. Nahirapan talaga akong mag-memorize ng lines, mag-focus. Pero dahil love ko ang ginagawa ko, especially sa lahat ng mga ADHD people who were suffering, people in the spectrum who have the problem of lack of focus, it’s something that you can train on a regular basis.”

Dagdag pa niya, “If some people will sit and memorize their lines like mabilisan lang, ako, if I get my script in advance every day, babasahin ko 'yun.

“Every day, hahanap ako ng lahat ng mga kailangan kong sabihin in a certain way kasi natatakot ako na baka makalimutan ko on set or baka may mangyari na iba,” dugtong pa ng hunk actor.

Inamin din ng aktor na may trauma siya dahil dito.

“Na-trauma rin kasi ako dati, and after so many years of experience, it has become so much easier now to memorize things.

“I’ve only realized this recently when I did All-Out Sundays (weekly variety show ng GMA). I had to do musical on the spot so kailangang aralin 'yung mga songs, 'yung steps, ‘yung scenes in one day.

“Three episodes 'yun, and nu’ng nagawa ko 'yun, sabi ko, ‘Parang kaya ko ito. Parang kaya ko ito in the long run na gawin.’ Kaya ko uling gumanap sa teleserye. Kaya kong bumalik sa movies. At the end of the day, ADHD became my super power.

“Sometimes you see ADHD as something that would be a detriment to you but if you look at some of your downfalls and some of your strengths, you can use it to your advantage,” paliwanag nang mabuti ng aktor.

Ito rin ang dahilan kung bakit wala siyang nagtatagal na karelasyon.

“Disadvantages of ADHD is mahirap mag-focus. Palagi akong naglalakad back and forth. Parang iniisip ng mga tao, bakit ko ginagawa 'yun?

“Nahihirapan din akong magkaroon ng long-term and long lasting inter-personal relationships, minsan if I get pushed against the wall. It’s part of the spectrum, the autism spectrum, and some I learned from watching a series recently.

“Trying to deal with people is harder for me. Medyo sumasabog ako na mas mabilis because sometimes, there’s so many things happening at ang daming tao sa paligid ko na nahihirapan akong mag-focus.

“And because of that, minsan, nag-i-snap ako. Nangyayari 'yun. And I salute Albie Casiño who spoke about this because he’s also suffering from ADHD.

“Ang positive traits of having ADHD, obviously, is kaya kong gawin lahat from morning to evening! May energy ako the whole day! Kaya kong mag-morning show. Kaya kong maging entrepreneur, kaya kong maging theater actor, kaya kong maging kung anu-ano left and right. And I can do it to the best of my abilities kasi gustung-gusto ko 'yung ginagawa ko.”

At ang payo ng aktor sa mga may ADHD, “I salute everyone who suffers in the shadows. You can talk, there are other people that you can talk to. If you’re suffering and you don’t know how to deal with certain things, message me on Instagram.”

Anyway, bukod kay Markki ay kasama rin sa Love at the End of the World sina Gold Aceron, Khalid Ruiz, Kristof Garcia, Rex Lantano, Elijah Filamor, Yam Mercado at Nico Locco.