Kaya todo-suporta… MOCHA: ISKO, YOUNG DUTERTE

ni Beth Gelena - @Bulgary Files | March 20, 2022

Sa live streaming ng programa ni Willie Revillame na Wowowin, ipinakita ang live episode kung saan nasa Cebu City Sports Center nitong nakaraang Biyernes ang mahusay na TV host katabi ang vice-president aspirant na si Davao City Mayor Sara Duterte.

Guest si Kuya Wil sa campaign rally ni Inday Sara at tila hinaharana niya ito habang kumakanta ng Ikaw Na Nga.

Obvious na si Inday Sara ang sinusuportahan ni Kuya Wil bilang VP sa 2022 national elections.

Sabi nga ni Kuya Wil sa kanyang kanta patungkol sa Davao mayor, “Ilaw ng tahanan ng lahat.”

Samantala, nu'ng Friday night din, ang former appointee ni P-Du30 na si Mocha Uson ay nagpahayag naman ng suporta kay Manila Mayor Isko Moreno bilang presidente.

Inendorso ni Mocha si Yorme for president sa Halalan 2022 kung saan siya naman ay nominee sa congressional seat para sa Mocha (Mothers for Change) Partylist. Kasama siya ni Yorme sa campaign stop na ginanap sa Kawit, Cavite.

Aniya, kaya niya nagustuhan si Yorme ay dahil ito raw ang “young Duterte” na may passion for service to the country.