Kaya raw masyuba at tuyot, Enrique… SIGAW NG NETIZENS: LIZA, TODO-WALWAL NANG MAKASAMA SI JAMES

ni Julie Bonifacio - @Winner | November 5, 2022

Nag-emote sa Instagram post ni Liza Soberano ang mga fans nila ng reel-and-real love team niyang si Enrique Gil.

Ipinost kasi ni Liza sa kanyang Instagram account kahapon ang pictures niya with co-Careless Management artists sa ginanap na Halloween party nila sa Los Angeles, California sa Amerika.

Comment ng fan/follower ni Liza sa IG, “Wishing for LizQuen pa din."

Say pa ng isang netizen, “Where's Quen and your original crew for every occasion?”

“Bakit hindi po kayo magkasama ni Enrique?”

Ayon pa sa netizen, may audition at recording daw si Liza at ang team nila under Careless Management sa LA kaya sila nandoon.

Bukod d'yan, may nag-comment din na nagwa-“walwal” daw si Liza sa US.

“Birds of the same feather flock together. 'Walwals' on the loose in LA.”

Naka-tag sa comment ng netizen at tinutukoy niya na kasama ni Liza sa “walwalan” si James Reid.

Ipinagtanggol si Liza ng ibang fans nila ni Enrique.

“Sila pa rin of course. May mga schedules sa LA ang team nila kaya sila 'and'yan.”

“Walwal ka naman d'yan agad, palibhasa kasi, 'di ka marunong makipag-socialize. Ang alam mo lang, makitsismis sa kapitbahay at manira ng buhay ng ibang tao! Pakialaman mo na lang ang sarili mong buhay, 'di 'yung nagpapakadalubhasa ka sa mga fake news na nababasa mo! Parehas kayong mga baliw. Birds with the same feather nga talaga kasi mga praning ang utak.”

Nag-‘second the motion’ ang isa pang netizen na talaga raw nagwalwal ang grupo nina Liza at James. At pati ang ex-GF ni James na si Nadine Lustre ay nadawit sa usapang walwal ng mga netizens.

“Totoo namang walwal sila from 'Pinas to LA, Korea kung saan man sila. Walwal sila kasi kung matino mga 'yan,'di sa bar/club ang meeting kundi sa office mismo. Social gatherings are only for special occasions, 'di 'yun araw-araw, haller! Kaya nga nasira ang image ni Nadz noong sila pa ni Hayme (James) dahil sa kung saan-saang bar o club sila nagpupunta may okasyon man o wala.

Now, si @lizasoberano naman at ibang taga-Careless, parang requirement yata sa kanila na maging in sa grupo, kailangan party girl o walwal ka rin. Kaya look at Liza, mataba at dry ang skin dahil puno ng alak ang katawan niya.”

Hala!