Kaya nagmukhang pang-Victoria Secret nang rumampa… RABIYA, UMAMING WA' NA PAKI SA

DESIGNER, GOWN PINUTOL DAHIL 'DI NIYA FEEL.

ni Julie Bonifacio - @Winner | June 01, 2021

Tinutukan namin ang live and exclusive interview ng King of Talk na si Boy Abunda kay Miss Universe-Philippines Rabiya Mateo na nasa Texas, USA sa YouTube Channel ng Kapamilya host last Sunday.

Mukhang nakapagpahinga na nang husto si Rabiya when she was being interviewed by Kuya Boy. Mas maganda siya that night kesa nu'ng napanood namin siya sa 69th Miss Universe pageant two weeks ago.

Ang rason ay sobrang saya raw ni Rabiya ngayon na nagra-radiate sa kanyang mukha. Wala na raw kasi siyang nararamdamang pressure and she's having the best of her life now.

Tinanong ni Kuya Boy si Rabiya kung ano ang most important lesson na natutunan niya on her Miss Universe journey.

"Maybe to enjoy the moment. Sometimes, I do think what's gonna happen tomorrow? How was I able to perform without, you know, enjoying the present? Enjoying today. So, that's my greatest take away, Tito Boy," lahad ni Rabiya.

Inamin din ni Rabiya that she loves herself even better now.

"What I've been through was never easy. I know it's gonna be hard, but not as hard as what happened in the competition. It 's a test of character and test of faith. From the moment I won Miss Universe-Philippines up until, you know, the Miss Universe competition, binugbog ako emotionally, mentally.

"But I tried to be strong. I tried to hold myself together, and because of that, kahit hindi ko na marinig sa ibang tao, ako na mismo ang magsasabi sa sarili ko, you did a great job," pahayag niya.

Nag-follow-up question naman si Kuya Boy sa sinabi ni Rabiya na "binugbog" siya.

"Sino ang bumugbog sa 'yo?" tanong ni Kuya Boy kay Rabiya.

"'Yung taumbayan din. Because it's not, dahil ako si Rabiya Mateo, it's because I'm Miss Universe-Philippines. At hindi lang dahil ako lang 'to. Lahat, lahat ng mga candidates natin, they've been in this kind of position. So, for someone who is so naive in this industry, imagine, that was my first time to join a national competition.

"Kahit sinasabi nila you need to be prepared for this, for that, once nandoon ka sa point na 'yun, magugulat ka pa rin. Like, the moment I won, I didn't have that sweet victory. The day I was crowned, that joy was taken away from me. I wanna be emotional right now, Tito Boy. But iniisip ko lang, parang ang dami ko talagang pinagdaraanan," diin ni Rabiya.

Tungkol naman sa controversial national costume niya, ibinulgar ni Rabiya na siya pala mismo ang nagputol ng kanyang gown. Wa' na raw siya care kung ano ang sasabihin nu'ng nag-design ng national costume niya. Basta na-feel niyang mas comfortable siya na maigsi ang kanyang suot.

Kaya tuloy nagmukhang outfit for a Victoria Secret fashion show. Tapos, hindi pa niya nasuot ang head piece. Kung nasuot niya 'yun, malamang 'di nagmukhang VS ang dating.

Ang kuwento ni Rabiya, sinubukan daw niyang i-fit ang head piece, pero 'di raw kumasya sa kanya. That was the first time lang pala na sinukat ni Rabiya ang head piece. Kesa nga naman malaglag lang, nag-decide na rin siyang huwag nang isuot, bukod pa sa ang bigat-bigat na raw ng dala-dala niyang pakpak.

Sa huli, ini-reveal din ni Rabiya na may kumukumbinse sa kanya na sumali sa Miss World beauty pageant. Tila napi-feel ni Rabiya na mag-join dito. Pero baka raw after two years, if ever na mag-decide siya na sumali sa Miss World.

Why not? Join lang nang join, gurl.