Kaya nag-artista sa ‘Pinas… ZOREN, GUSTONG MAGING HOLLYWOOD STAR

ni Mercy Lejarde @Talkies | August 16, 2026

Photo: IG _zoren_legaspi

Hindi itinago ng aktor na si Zoren Legaspi ang matagal na niyang pangarap na makapagtrabaho sa Hollywood.

Sa kanyang guesting sa Fast Talk with Boy Abunda (FTWBA), ikinuwento ni Zoren kung paano nagsimula ang kanyang planong pasukin ang showbiz at kung paano niya naisip na gawing stepping stone ang ‘Pinas para makapunta sa Hollywood.

Nang tanungin siya ni Boy Abunda kung hinikayat ba siya ng kanyang yumaong amang aktor na si Lito Legaspi na pasukin ang mundo ng showbiz, sinabi ni Zoren na hindi naman siya direktang itinulak ng kanyang ama na maging artista.

Aniya, noong nasa Chicago siya, naramdaman niyang napupunta na siya sa maling direksiyon.

“Naramdaman ko nu’ng nasa Chicago ako, papunta na ‘ko sa bad boy, ‘yung parang nagiging gangster mentality na ‘ko. Sabi ko, ‘Walang mangyayari rito.’ Wala na akong interes mag-aral,” ani Zoren.

Dahil dito, naisip niyang umuwi at gamitin ang apelyidong Legaspi upang makapasok sa showbiz.

“Uwi na lang ako, gamitin ko na lang ‘yung pangalan ng erpat (papa) kong Legaspi, pupunta ako kay Kuya Germs, mag-a-apply ako sa That’s Entertainment,” aniya.

Ngunit paglilinaw ni Zoren, hindi lamang pagpasok sa local showbiz ang kanyang tunay na plano.

“But that was the plan, but the main plan was to go to Hollywood na ‘di nangyari. Gagawin ko sanang stepping stone ‘to, then go to Hollywood,” saad niya.

At least, kahit hindi natuloy ang Hollywood dream ni Zoren, naging matagumpay naman ang kanyang showbiz career at nakapag-asawa pa ng kasingganda ng isang Hollywood star, ang kanyang misis na si Carmina Villarroel. 

Pak, ganern!

---

Jackpot daw sa mister… 

SHAIRA, PINAKAMALIGAYA SA PILING NI EA

UNANG wedding anniversary nina Shaira Diaz at Edgar Allan ‘EA’ Guzman kaya nag-post ang aktres sa kanyang social media ng throwback photos nila.

Saad ni Shaira, “One year married to this amazing man, and I still can’t believe how fast time has flown. I feel so blessed that God gave me a partner who is so supportive, caring, loving, patient, and understanding.

“Bonus dahil pogi pa! Hay, wala na talaga akong mahihiling pa. Sabi nila, ang suwerte mo raw sa ‘kin, pero ang totoo, ako ang suwerte sa ‘yo, Baba. 

“You always bring out the best in me. I’m at my happiest when I’m with you. You’re my safe place, my best friend, and my home. Thank you for loving me unconditionally.

“Here’s to more years of choosing each other, growing together, and making beautiful memories side by side.

“Kahit isang taon na, araw-araw pa rin akong excited matulog at gumising sa tabi mo. Ang saya-saya ko dahil ikaw ang kasama ko sa buhay. I love doing life with you. Mahal na mahal na mahal kita! @ea_guzman. Happy 1st anniversary to us!”

Sa comment section ng post ni Shaira, nagpasalamat naman ang kanyang mister.

Sagot ni EA, “Napakasarap naman basahin nito. Maraming salamat, asawa. ‘Di ako mapapagod na pasayahin at mahalin ka. HABAMBUHAY! Mahal na mahal na mahal kita.”

Samantala, nagbahagi rin ang aktor ng isang bukas na liham para sa kanyang misis. Puno ito ng pagmamahal at pasasalamat sa kanilang unang taon bilang mag-asawa.

Ani EA, “Mrs. Guzman, happy 1st wedding anniversary to us.

“One year as husband and wife, and I’m still so grateful that I get to do life with you. Sa isang taon na lumipas at sa marami pang taon na darating, ikaw at ikaw pa rin.

“Ikaw ang kasamang bubuo ng mga pangarap. Ikaw ang yayakapin tuwing masaya o malungkot ang paligid ko. Ikaw ang uunahin ko sa lahat.

“Salamat sa pagmamahal na ‘di nauubos at sa pag-aalaga na walang hinihinging kapalit.

“Ikaw ang TAHANAN, PAHINGA, at HABAMBUHAY ko.”

Anyway, happy anniversary, Shaira and EA!

‘Yun lang, and I thank you.