Kay Joshua, ‘di pumalag… IVANA, ‘DI FEEL ANG HALIK NI JAMESON, ISINUMBONG SA BOSSING

ni Reggee Bonoan @Sheet Matters | May 8, 2026

Photo: IG _ivanaalawi & _jmsnblake

Okay na kaya sina Ivana Alawi at Jameson Blake? Ito ang tanong ni Ogie Diaz sa vlog nila ni Mama Loi na Showbiz Update (SU) dahil nabalitaan niyang ini-report ng leading lady ni Joshua Garcia sa Love Is Never Gone (LING) sa management si Blake.

Sabi ni Ogie, “Matatandaan nating nagkaroon ng isyu sina Ivana at Jameson Blake dahil may kissing scene sila rito sa Love Is Never Gone at parang na-off si Ivana dahil parang sinobrahan daw ni Jameson.”

Nagulat si Mama Loi, “Ginawang 12 ‘yung 10?”

“Medyo na-feel daw ni Ivana na taking advantage kaya si Ivana, according to our source, ay isinumbong sa management itong si Jameson.

“So, si Jameson ay ipinatawag ng management para i-discuss nga ‘yung reklamo ni Ivana. Tapos, pag-alis daw ni Jameson ay umiyak s’ya nang umiyak kasi ang katwiran niya ay sumunod lang s’ya sa utos ng direktor na gawing passionate ‘yung kissing na parang bukas, mamamatay na, ganu’n, kaya ubusin mo na lahat,” kuwento ni Ogie.

Hirit ni Mama Loi, “Pero ‘di ako magagalit kay Jameson.”

Sabi pa ni Ogie, “Feeling ni Ivana, na-violate s’ya pero ito ay ‘di diniscuss du’n sa mediacon. Pero sabi ng source ko, ‘Kung mapapansin mo, Ogs, malayo talaga si Ivana kay Jameson sa mediacon.’”

Feeling naman ni Ogie ay settled na pero ayaw na lang nilang mag-usap.

“Pero si Joshua, pumasa, kasi crush ni Ivana noon pa,” pagtatapat ni Ogie.

Sa madaling salita, hindi type ni Ivana Alawi si Jameson Blake kaya hindi niya type ang kissing scene nila.

---

Na-enjoy umarte…

KLARISSE, TYPE NG BED SCENE

Nae-enjoy na ni Klarisse de Guzman ang umarte sa harap ng kamera kaya naman nag-aabang ulit siya ng mga offers. Kung sakali at kaya ng schedules niya ay tatanggapin niya ang inaabangang offer na gumawa ng serye o pelikula.

Birong sabi ni Klang, “Actually, looking forward ako sa mga bed scenes talaga.”

Napuri namin siya na magaling umarte bilang baguhan nang mapanood namin siya sa dalawang Metro Manila Film Festival (MMFF) movies niya last 2025, ang Bar Boys: After School (BBAS) at Call Me Mother (CMM).

Kaya natanong namin siya sa ginanap na mid-season mediacon ng The Secrets of Hotel 88 (TSOH88) kung tuluy-tuloy na ang pag-arte niya kahit na ang pagkanta ang first love niya.

“Reggee, thank you for that wonderful question. Thank you, nakakatuwa naman na may nakaka-appreciate ru’n sa pag-act ko.

“For some reason, nu’ng una talaga, parang kaya ko ba ‘to? Parang ang hirap. ‘Yung mga Bar Boys pa lang namin, parang ‘di ko kaya.

“Iba kasi ‘yung mundo ng acting sa singing talaga, kasi ‘di ba po, pagkatapos ng pagkanta mo, uwi na.”

“Pero may acting din ang singing, huh?” diin ni MJ Felipe na host ng presscon.

Aniya, “Yeah, kaya siguro somehow, medyo nakakaarte rin ako kahit papaano kasi ‘pag kumakanta naman tayo ay parang umaarte na rin dahil sa kinakanta natin na kailangang maramdaman ng audience natin. Siguro for some reason, nai-apply ko rin.

“Nakakatuwa po na may mga naka-appreciate lalo na rito sa Hotel 88. Ang daming eksena na ‘di ko ine-expect na gagawin ko. May mga... basta abangan n’yo po ‘yan. May powers ako rito. Hahaha! Charing (joke) lang.”

Inamin din ng mang-aawit na ang coaches niya sa pag-arte ay sina Will Ashley at Xyriel Manabat.

“Napaka-easy lang sa kanila kahit on the spot. Ako, hirap na hirap magkabisado ng script. Kami ni Esnyr, gabi pa lang, nagto-throw lines kami sa kuwarto,” natawang kuwento ni Klang. 

Aniya pa, “Kaya nakaka-inspire na sana, maging ganu’n (magaling) din ako someday.”

Sabi pa ng lahat na abangan ang TSOH88 hanggang dulo dahil maraming magugulat sa mangyayari kina Brent Manalo, Mika Salamanca, Ralph de Leon, Esnyr, AZ Martinez, River Joseph, Dustin Yu, Bianca de Vera, Xyriel, Josh Ford, Kira Balinger at Will Ashley.

Ang nasabing series ay idinirek ni Henry Quitain at napapanood sa GMA Network at iWantTFC, handog ng GMA Network at ABS-CBN Studios.