KATHRYN, TODO-DARING PARA PATUNAYANG 'DI KAWALAN SI DANIEL

ni Erlinda Rapadas @Teka Nga | March 5, 2024

Maraming fans ni Kathryn Bernardo ang natuwa sa malaking pagbabago at transformation niya nang maghiwalay sila ng kanyang boyfriend na si Daniel Padilla.

Medyo nag-mature na siya, maging sa roles na kanyang tinatanggap. Hindi na siya ang dating Kathryn na sunod-sunuran lang sa gusto ng kanyang ex-BF for 11 years na si Daniel. 

Maging sa kanyang pananalita at pananamit ay nagbago na rin si Kathryn. Keri na niyang magsuot ng two-piece swimwear. At maraming nagulat sa kanyang sexy and daring pictorials sa social media. 

Pero para sa ilang concerned netizens, hindi naman kailangan na magpa-sexy at magpaka-daring ng aktres para lang patunayan na kaya niyang tumayong mag-isa kahit walang ka-love team. Nakikita naman ng lahat na nag-e-enjoy siya ngayon sa kanyang freedom bilang single. 

Ganunpaman, may iba na mas gusto pa rin ang dating Kathryn Bernardo na sweet, decent at wholesome ang image. Ang dapat na lang niyang tutukan ngayon ay ang growth niya bilang magaling na aktres.