Katawan, inilagay sa ice box... Kuya, sinap-chop ng utol

by Mai Ancheta @News | September 14, 2026

Photo: Circulated

Malagim na kamatayan ang sinapit ng isang 27-anyos na lalaki matapos patayin ng kanyang nakababatang kapatid sa Brgy. Sinunuc, Zamboanga City nitong Sabado, Sept. 12.

Kinilala ang biktima na si Raffy Alam, habang ang suspek ay ang nakababatang kapatid na si Rashdy Alam, 18.

Natuklasan ang krimen matapos madiskubre ng isang may-ari ng tindahan ang isang maleta na naglalaman ng parte ng katawan ng tao, kaya agad na ini-report ito sa mga awtoridad.

Nakita sa follow-up operation ang ulo, kamay at paa ng biktima sa isang ice box, at ang ibang bahagi ng katawan ay isinilid sa maleta.

Hindi pa matukoy ng mga awtoridad ang motibo ng krimen dahil tumakas ang suspek at pinaghahanap na ito ng mga pulis.