Kasama pa rin ang 2 anak… KRIS, UMALIS NA SA TEXAS, LUMIPAT SA L.A.

ni Vinia Vivar - @Frankly Speaking | November 8, 2022

Sharp and makulit as ever pa rin daw si Kris Aquino na kasalukuyang nasa US pa rin kasama ang dalawang anak na sina Joshua and Bimby.

Ayon sa update ng kasamahang Dindo Balares na isa sa malalapit na kaibigan ni Kris, naka-chat niya ang Queen of All Media at nagpadala pa ng video sa kanya kasama ang 2 anak.

“Kumusta na si Kris? As sharp as ever at makulit pa rin,” tsika ni katotong Dindo sa kanyang Facebook post.

“Kumpirmado ang inilabas ni Ogie Diaz sa YouTube na umalis na sa Texas at lumipat sa Los Angeles si Krisy.

“May ipinadala siyang video with Kuya Josh at Bimb, puwede sanang i-screen grab para pang-update sa kanilang followers, pero 'di ko naipagpaalam kaya itong isa sa mga dating photo namin muna ang ipo-post ko,” patuloy niya.

Kuwento pa ni Dindo, si Kris pa nga ang updated sa kanyang mga aktibidades bilang farmer at nagsabi pang sabihin lang sa kanya kung may kailangan siya.

"Please tell me if there’s anything Kuya Dindo The Farmer needs," sabi raw sa kanya ni Kris.

“She's as sharp, concern, and loving as ever,” sey pa ni Dindo about Kris.