Kasalanan ng ‘bulok’ na pulis, nadamay ang buong kapulisan, tsk!

ni Ka Ambo - @Bistado | December 23, 2020

Walang awang binaril at napatay ng isang Pulis-Paranaque ang “mag-ina” sa Paniqui, Tarlac.

Nadamay ang buong kapulisan!

◘◘◘

Nai-video ang krimen kaya’t nawalan ng palag ang suspek.

‘Yan ang kahalagahan ng CCTV camera!

◘◘◘

Masamang repleksiyon ito sa liderato ni PNP Chief Debold Sinas.

Pati siya ay nadamay.

Tsk-tsk-tsk!

◘◘◘

Maraming Pinoy ang may turok ng COVID vaccine.

Sana all!

◘◘◘

May giyera-patani sa gabinete ni P-Digong.

Tipikal sa pangulo na malapi nang maging “lameduck”!

◘◘◘

Kumbaga, sa pekwa, sino ang “mando” sa laro sa Malacañang?

Kwidaw!

◘◘◘

Tiyak na gagamitin laban sa Pamilya Duterte ang kabulastugan ng ilang pulis.

‘Yan ay kung “Duterte” ang ilalaban ni PDigong sa panguluhan.

Go-go-go!

◘◘◘

Social media na ang bakbakan sa 2022 election.

Imbes na bigas, tablet na ang reregalo sa mga botante!

◘◘◘

Marami nang nagwa-‘wowowin’ sa social media.

Namimigay sila ng sanrekwang papremyo.

Ha-ha-ha!

◘◘◘

Binaha pa rin ang Mindanao bago mag-Pasko.

Ayaw talagang tantanan ang birthday ng Kristo!

◘◘◘

Nagdarasal ang ilan na i-veto ni P-Digong ang “pork barrel” gamit ang DPWH fund ng mga buwaya.

‘Yan ay kung hindi siya kakutsaba!

◘◘◘

Bawal ang firecrackers ngayong New Year.

Kukumbidahin ko na lang ang kapitbahay kong bungangera para salubungin ang 2021!

◘◘◘

Maraming manggagawa ang naghihintay ng bonus pero walang dumating.

Pero mas marami ang naghihintay ng trabaho pero wala pa ring naririnig sa kanilang amo!