Kasal sa Spain, kaya naudlot… BAYANI: VINCENT, ‘DI INILAAN NG DIYOS PARA KAY BEA

ni Janiz Navida @Showbiz Special | June 26, 2026

Photo: Bayani Agbayani - IG

Tinanong namin kahapon ang aming BFF na komedyanteng si Bayani Agbayani upang kumpirmahin kung totoo bang may naging pahayag siya tungkol kina Bea Alonzo at Vincent Co recently. 

Ang daming fake news at gumagawa ng kuwento ngayon, kaya mabuti nang siya ang mag-confirm kung totoo o hindi, ‘di ba?

May kumalat kasing interview ni Bayani kung saan kinumpirma raw niyang bahagi ng kanilang bakasyon ng asawang si Len-Len sa Spain ang naudlot na kasal nina Bea at Vincent.

Tumawag sa amin si Yani at kinumpirmang nagbakasyon nga sila ng misis sa Spain at dapat nga raw ay pupunta pa sila ng Portugal.

Pero tungkol sa naudlot na kasal nina Bea at Vincent, ayaw na niyang magbigay ng detalye at ipinauubaya na raw niya ‘yun sa mga taong involved.

Kapamilya na rin kasi ni Bea si Bayani dahil ang isang anak ni Yani ay asawa ng stepbrother ni Bea. Pero ayon sa aming BFF, ayaw niyang pangunahan sina Bea at Vincent kahit pareho niyang kaibigan ang mga ito.

Siyempre, tulad ng iba, nalulungkot din siya sa nangyari pero sabi nga niya, may kani-kanyang buhay ang bawat tao at kung hindi pa si Vincent ang inilaan ng Diyos para kay Bea, ibig sabihin lang ay hindi sila meant-to-be at darating din daw ang panahon na matatagpuan ng dalawa ang tamang tao para sa kanila.

Samantala, happy at maayos ang married life ni BFF Bayani. Thirty-two years na pala silang mag-asawa ni Len-Len and stronger together.

Biniro nga namin ito na sa kanya pala dapat magpa-counsel ang mga showbiz couples na nagkakaproblema at natawa lang ito. Kani-kanyang buhay at pinagdaraanan daw

‘yan at suwerte siya dahil matatag ang pagsasama nila ng misis.

Soon ay malapit nang mapanood si BFF Yani sa sitcom ng GMA-7 kasama sina John Lloyd Cruz, Ellen Adarna at Rufa Mae Quinto.

Uy, mag-oober da bakod na rin pala si Yani, ha?!

---

Sa 9th Eddys ng SPEEd…

MYLENE, BARBIE, KRYSTEL, ANGELICA, MARIS AT CHARO, LABAN-LABAN SA PAGKA-BEST ACTRESS   

SISIMULAN ng The Society of Philippine Entertainment Editors (SPEEd) ang kalagitnaan ng taong 2026 sa pamamagitan ng paglalantad ng mga nominado sa pinakaprestihiyosong The Entertainment Editors’ Choice o mas kilala bilang The Eddys.

Sa ika-9 nitong edisyon, isinagawa ang pag-aanunsiyo ng mga nominado sa iba't ibang kategorya kahapon, ika-25 ng Hunyo sa Luxent Hotel sa Quezon City, kung saan live itong napanood sa PlayTime Entertainment YouTube channel. Ang naturang kaganapan ang nagsilbing pagbubukas ng nalalapit na pinakamaningning na gabi ng parangal sa ika-5 ng Hulyo sa Ceremonial Hall ng Marriott Grand Ballroom sa Newport World Resorts, Pasay City.

Para sa taong ito, kikilalanin at bibigyang-parangal ang pinakadakila at natatanging galing ng mga bituin at mga taong bumuo ng pelikula sa labing-apat na kategorya, na masasabing nag-angat sa kalidad ng aliwang-lokal sa pamamagitan ng makabagbag-damdaming paglalahad ng kuwento, malikhaing bisyon at kahusayan sa aspetong teknikal.

Pitong natatangi at mahusay na binusising mga pelikula na umakit sa mga manonood ang maglalaban-laban para sa Best Picture. Kasama rito ang Bar Boys: After School, Eraserheads: Combo on the Run, I’m Perfect, Journeyman, Quezon, Sunshine, at UnMarry.

Magtutunggali naman para sa Best Director sina Sigrid Andrea Bernardo (I’m Perfect), Antoinette Jadaone (Sunshine), Jeffrey Jeturian (UnMarry), Christian Paolo Lat at Dominic Lat (Journeyman), Kip Oebanda (Bar Boys: After School), Jerrold Tarog (Quezon), at Maria Diane Ventura (Eraserheads: Combo on the Run).

Sa Best Actress award, maglalaban-laban sina Mylene Dizon (Habang Nilalamon ng Hydra ang Kasaysayan), Barbie Forteza (Kontrabida Academy), Krystel Go (I’m Perfect), Angelica Panganiban (UnMarry), Maris Racal (Sunshine), at Charo Santos (Only We Know).

Mainit din ang labanan sa kategoryang Best Actor nina Carlo Aquino (Bar Boys: After School), Dingdong Dantes (Only We Know), Joshua Garcia (Meet, Greet & Bye), Jericho Rosales (Quezon), JC Santos (Journeyman), at Vice Ganda (Call Me Mother).

Para sa Best Supporting Actress, nominado sina Susan Africa (How To Get Away From My Toxic Family), Eugene Domingo (UnMarry), Jennica Garcia (Sunshine), Odette Khan (Bar Boys: After School), Rochelle Pangilinan (Child No. 82), at Sylvia Sanchez (I’m Perfect).

Maglalaban-laban sa Best Supporting Actor sina Lucas Andalio (Call Me Mother), Will Ashley (Bar Boys: After School), Rico Blanco (Manila’s Finest), Richard Quan (How To Get Away From My Toxic Family), Tom Rodriguez (UnMarry) at Zac Sibug (UnMarry).

Narito ang ilan pang nominado sa bawat kategorya.

Best Screenplay - Kip Oebanda, Carlo E. Catu and Zig Dulay (Bar Boys: After School), Dustin Celestino (Habang Nilalamon ng Hydra ang Kasaysayan), Sigrid Andrea Bernardo (I’m Perfect), Chris Martinez (Kontrabida Academy), Jerrold Tarog at Rody Vera (Quezon), Chris Martinez at Therese Cayaba (UnMarry)

Best Cinematography - Hilarion Banks and Dominic Dycaico (Eraserheads: Combo on the Run), Ber Cruz (Kontrabida Academy), Pong Ignacio (Quezon), Moises M.M. Zee (Salvageland), Pao Orendain (Sunshine)

Best Visual Effects - Sonny Burgos at Jaye Jacinto (Eraserheads: Combo on the Run), Jericho Layson and Hanns Scheewe (Habang Nilalamon ng Hydra ang Kasaysayan), Mylav Einah Infante (I’m Perfect), Anthony Lyant (Magellan), Bien Michael Caralian, Vincent Cheng, Jimmy dela Cruz and Santelmo Studio (Shake, Rattle & Roll: Evil Origins), Kim Perez and team (Sunshine), The Post Office (Quezon)

Best Musical Score - Teresa Barrozo (Kontrabida Academy), Frederik Sandoval and Emerzon Texon (Manila’s Finest), Jerrold Tarog (Quezon), Jose Antonio Buencamino (Salvageland), Jose Antonio Buencamino, Mikhail Ali Hooshmand and Paulo Almaden (Shake, Rattle & Roll: Evil Origins), Rico Blanco (Sunshine) 

Best Production Design - Melvin A. Lacerna (Journeyman), Veronica San Antonio and Larissa Casingal (Kontrabida Academy), Lav Diaz, Isabel Garcia and Allen Alzola (Magellan),  Diego Ricio (Manila’s Finest), Monica Sebial (Quezon), Carmela Danao (Salvageland) 

Best Sound - Jason Abell (Eraserheads: Combo on the Run), Lamberto Casas Jr. and Kevin Padilla (Journeyman), Roy Santos and Neil Diokno (Manila’s Finest), Immanuel Verona and Fatima Salim (Quezon), Ditoy Aguila (Shake, Rattle & Roll: Evil Origins)

Best Editing - Chuck Gutierrez (Bar Boys: After School), Chuck Gutierrez and Hilarion Banks (Eraserheads: Combo on the Run), Aaron Alegre and Mark Cyril Bautista (Journeyman), Jerrold Tarog (Quezon), Benjamin Gonzales Tolentino (Sunshine), Benjo Ferrer (UnMarry)

Best Original Theme Song - Batas ng Api (Kontrabida Academy), Jack en Poy (Quezon), Kumpas (Meet, Greet & Bye), Sandalan (Manila’s Finest), Tala (Call Me Mother)

Samantala, sa pangunguna nina Concert Queen Pops Fernandez at TV host-brodkaster na si Kim Atienza, ang maningning na gabi ng parangal ay kikilala sa mga natatanging tagumpay sa pelikulang Pilipino at maghahatid ng pagsasama-sama ng mga pinakamaningning na bituin, direktor at mga malikhaing talento.

Taun-taong inoorganisa ng SPEEd, ang The Eddys ay isa sa mga

pinakarespetadong award-giving bodies na naglalayong kilalanin ang kadakilaan at galing sa paglikha ng pelikulang Pilipino.

Dumating sa ginanap na nominees reveal kahapon ang singer na si Isha Ponti na naghandog ng dalawang awitin, at ang mga young stars na sina Shira Tweg at Khai Flores ng paparating na thriller film na Mantsa, ang Playtime host na si Sam Acosta na nagbasa ng major awards nominees, at ang kapatid ni Konsehal Alfred Vargas na si QC 5^th District Congressman PM Vargas.

Ang 9th Entertainment Editors' Choice ay handog ng Society of Phil. Entertainment Editors katuwang ang Newport World Resorts, PlayTime Entertainment, at Echo Jham Productions; kasama ang Gold Sponsors Globe Telecom at Unilab Inc.; Silver Sponsors SoundCheck Inc. at Puregold CinePanalo Film Festival; at Major Sponsors Luxent Hotel, RS Francisco, Beautéderm Corporation, at La Playa.