Kasal sa Bali, Indonesia, 'di kinikilala sa 'Pinas… MAJA AT RAMBO, FEB. 14, 2023 PA NAGPA-CIVIL WED

ni Beth Gelena @Bulgary Files | August 2, 2023

Bago pa pala ikinasal sina Maja Salvador at Rambo Nuñez sa Bali, Indonesia noong July 31, 2023, ay nagkaroon na sila ng civil wedding nu’ng 4th anniversary nila last Feb. 14, 2023 sa Taguig City.

Si Taguig City Mayor Lani Cayetano ang nag-officiate ng kanilang civil wedding. Inilabas ito ng Preview.ph sa mismong araw ng kasal nina Maja at Rambo sa Bali nu’ng Lunes, July 31.

Eksklusibong na-interview ng magazine ang dalawa at inamin na nga ni Maja na nagpakasal sila ng long-time boyfriend na si Rambo noong February 14 sa mismong 4th anniversary nila as a couple.

Ginanap ang kanilang civil wedding sa Grand Hyatt Manila, Bonifacio Global City. Esplika ng aktres, “Dapat talaga, isang beses lang. Pero, since pinili namin to have a destination wedding, hindi kasi io-honor ng Philippines ‘yung wedding namin sa Bali.”