Kasabay ng Pride Month… RAYMOND, INILANTAD NA ANG HOLDING HANDS AT HALIKAN NILA NG BF

ni Vinia Vivar - @Frankly Speaking | June 26, 2022

Sa pagdiriwang ng Pride Month ngayong Hunyo, proud na ipinakilala ni Raymond Gutierrez sa kanyang mga Instagram followers ang current boyfriend.

Nag-post ang kakambal ni Richard Gutierrez kahapon ng dalawang larawan nila ng dyowa. Sa isang photo ay makikitang masaya silang magka-holding hands habang naglalakad sa beach. Ang isa naman ay isang collage ng mga sweet photos nila together including a kissing photo.

“Celebrate your love! Happy Pride, Philippines,” ang simpleng caption ni Raymond.

In fairness, ang guwapo ng dyowa ni Raymond at bagay sila, huh!

Sa comment section ay umapaw ang suporta ng kanyang mga followers and celebrity friends, pati na rin ng kanyang pamilya.

“Wow!!!! You finally have a love life!!! Congrats, MOND!!” komento ng ate ni Raymond na si Ruffa Gutierrez.

Nagkomento rin ang twin brother niyang si Richard ng “Happy for you @mond.”

Ang sister-in-law niyang si Sarah Lahbati at mga pamangkin na sina Lorin at Janine Gutierrez ay nag-iwan din ng positive reactions.

Komento naman ng best friend niyang si Anne Curtis, “Sooo soooo happy for you! Can’t wait to meet him.”

Nagpahayag din ng suporta sina Liza Soberano, Isabelle Daza, Yassi Pressman, Sofia Andres, Mariel Rodriguez, Rufa Mae Quinto, Iya Villania, Jake Cuenca, Bianca Gonzalez at marami pang iba.