Kapamilya shows, ‘di na mapanood… ABS-CBN CHANNEL SA YOUTUBE, BIGLANG NAWALA

ni Reggee Bonoan @Sheet Matters | November 30, 2025

Photo: File

Hindi na mahagilap ang ABS-CBN Entertainment Channel at Kapamilya Online Live sa YouTube (YT) kung saan napapanood ang mga programa ng Kapamilya Channel tulad ng It’s Showtime (IS), FPJ’s Batang Quiapo (BQ), What Lies Beneath (WLB), Roja, Pinoy Big Brother Celebrity Collab 2.0 (PBBCCE2.0), atbp..

Ang nasabing platform ay may 56 million subscribers na nabuo mula noong nawalan ng prangkisa ang Kapamilya Network noong Hulyo 10, 2020.

Ang mga sanay nang panoorin sa YT ang mga nabanggit na programa ay nagulat dahil biglang nawala na ang mga ito.

Ayon sa nabasa namin, “ABS-CBN Entertainment YouTube channel terminated after an attempted hack to promote a Bitcoin scam via livestream.”

Naglabas naman ng public advisory ang programang It’s Showtime, “The It’s Showtime and ABS-CBN YouTube channels are temporarily unavailable. Viewers may continue watching today’s full episode of It’s Showtime and Showtime Online U through official Facebook pages, It’s Showtime (@itsShowtime), ABS-CBN (@ABSCBNnetwork), and the iWant app.

“Thank you for your understanding and continued support, Kapamilya and Madlang People!”

Naglabas na rin ng public advisory ang Dreamscape Entertainment kung saan mapapanood ang mga programa ng Kapamilya.

Sey nila, “You can watch KAPAMILYA ONLINE LIVE (KOL) on these platforms; ABS-CBN News YouTube, iWant YouTube, iWant App

at ABS-CBN Entertainment FB

KOL is currently unavailable on the ABS-CBN Entertainment YouTube channel, but we’re working on it. Thank you for understanding, Kapamilya!”

Samantala, mapapanood naman ang BQ sa YouTube channel ng CCM Film Productions na pag-aari ni Coco Martin. Ang channel ay mayroon nang 206,000 subscribers at nagsimula noong isang taon.

Episode 67 ng Batang Quiapo ang sinimulang i-upload ng CCM Film Productions sa YouTube, kaya sa mga naghahanap ng update ng nasabing programa, mapapanood pa rin ito nang walang mintis.

Anyway, nanghingi kami ng official statement tungkol dito sa ABS-CBN Corporate Communications at sinabihan kami ng “Maya-maya.” 

Hanggang matapos naming sulatin ang balitang ito, wala pa ring ipinadadala ang Kapamilya Corp. Comm. Ihahabol na lang namin ito kapag naglabas na sila ng official statement. 

---

LAGING ‘good job’ ang tingin ng mga netizens kay Konsehala Aiko Melendez ng 5th District ng Quezon City dahil wala silang nababalitaang hindi nito ginagawa ang kanyang trabaho.

Laging present si Aiko sa Konseho, at kapag nag-surprise visit ka sa opisina niya, nandoon siya. Kapag wala naman, malalaman mong binisita niya ang mga constituents niya sa kanyang distrito.

Sabi pa ng mga nakausap namin na taga-District 5, “Lagi po kaming binibisita o kaya ng staff n’ya ‘pag may mga sakit. Alaga po kami sa mga kailangan namin. Nagsabi rin naman po na ‘pag may kailangan kami, lapitan namin si Konsehala o ang staff n’ya, at ‘di naman po kami napapahiya.”

Totoo naman, dahil maski isa siyang showbiz personality, isa si Konsehala Aiko sa mga nalalapitan ng kanyang mga katoto. Kahit hindi niya kadistrito, open siyang tumulong, at tanda namin na siya pa mismo ang naghahanap ng ospital kung saan puwedeng dalhin noon ang maysakit na kaanak ng aming kasama sa trabaho.

Kahapon, ipinost ni Konsehala Aiko sa kanyang Facebook (FB) account na nagpasa siya ng dalawang ordinansa.

Aniya, “Dalawang mahalagang Committee Meetings po ang aking dinaluhan upang talakayin at isulong ang dalawang ordinansang aking iniakda para sa Committee on Social Services at Committee on Justice and Human Rights. Ang mga panukalang ito ay nakatuon sa pagbibigay-proteksiyon at pag-angat ng dignidad ng ating mga kababayan na madalas napag-iiwanan ng sistema.

“1. Ordinance on Free Legal Aid Assistance for Persons Deprived of Liberty (PDLs). Layunin ng ordinansang ito na institutionalize ang libreng legal aid program para sa ating mga PDLs sa Quezon City. Mahalaga na sa loob ng ating mga kulungan, may sapat silang access sa legal support upang maprotektahan ang kanilang karapatan at mapabilis ang kanilang makatarungang paglaya. Ang hustisya ay hindi lamang para sa may kakayahan, kundi para sa lahat — at ito ang nais nating tiyakin.

“2. Ordinance Establishing a City-Wide Legal Identity Assistance Program. Ang ikalawang ordinansa ay tumututok naman sa mga stateless persons, street dwellers, at mga batang unregistered sa Quezon City.

“Sa pamamagitan ng city-wide legal identity assistance program, matutulungan silang magkaroon ng birth certificates, identification cards, at iba pang civil documents na kailangan para makapag-aral, makatanggap ng serbisyong pangkalusugan, at ma-enjoy ang kanilang mga legal rights. Marami pong kababayan natin ang hindi makakuha ng basic services dahil lamang sa kawalan ng dokumento, at panahon na para tugunan ito.

“Ang dalawang ordinansang ito ay malinaw na hakbang para masigurong walang naiiwan sa lungsod ng Quezon City. Ang bawat tao, anumang estado sa buhay, ay may karapatang maramdaman ang proteksiyon, pagkalinga, at katarungan mula sa pamahalaan.

“Patuloy po tayong magsusulong ng mga batas na tunay na may malasakit at may direksiyon tungo sa mas makatao at makatarungang lungsod. #AksyonAtMalasakit (green heart emoji).”

Bongga ni Aiko, ‘di ba?