Kamukha na ni Angelina Jolie… ARCI, COVER NG INTERNATIONAL MAGAZINE

ni Beth Gelena - @Bulgary Files | March 5, 2022

Chill lang ang beauty ni Arci Muñoz sa pansamantalang paninirahan niya sa Tate.

Kamakailan lang ay rumampa at nag-perform ang Kapamilya actress sa New York Fashion Week. Wa' kiber si Arci kahit sandamakmak ang namba-bash sa kanyang pagrampa.

Pero, hindi mapigilan ang dumarating na suwerte sa magandang aktres. May isa na namang milestone na dumating sa career niya.

Siya ang cover ngayon ng international magazine named Now, isang Los Angeles-based fashion and beauty magazine, at marami ang nakapansin na kamukha na niya si Angelina Jolie sa naturang cover.

Sa IG post ni Arci, she expressed her gratitude while showing herself donning a black plunging blazer paired with baggy jeans.

“If not now, when?! Waaahh!! Thank you [so] much [for] this feature and for granting my request to shoot at the [BTS’ “ON” music video] location,” ang nakasulat sa caption.

Ayon pa kay Arci, ang pagsusuot niya ng iba't ibang outfits ay para sa celebration ng International Women’s Month.

“Here’s to strong women, may we know them, may we be with them. May we raise them!” deklara ni Arci.