KALAT NA: BISTEK AT ISKO, PASOK SA GABINETE NI PBBM

ni Erlinda Rapadas @Teka Nga | April 18, 2023

Bagama't next week pa magkakaroon ng formal announcement kung sinu-sino ang mga bagong personalidad na magiging bahagi ng gabinete ni President Bongbong Marcos, may kumakalat na tsika kung sino ang mga nasa listahan at maugong na maugong sa ilang media na nagko-coverage sa Senado ang ilang pangalan na nasa "Magic List."

Bukod kina Doc Willie Ong, Gringo Honasan, Gibo Teodoro at Mar Roxas, maingay ding kasama raw sina Herbert Bautista at Isko Moreno.

Ngayon pa lang ay excited na ang mga supporters nina Bistek at Isko at nagdarasal na ang mga ito na makapasok sa gabinete ni P-BBM ang dalawang masisipag na dating public servants.

Hindi man sila pinalad na manalo sa mga tinakbuhang posisyon noong nakaraang election, magiging asset naman sila sa gabinete ni P-BBM.

Makakatiyak ang publiko na sila ay maayos na maglilingkod dahil sanay na ang dalawa sa pamamalakad ng local government.