Kahit wala namang COVID… OGIE AT REGINE, MAGKAHIWALAY NG KUWARTO SA BAHAY

ni Julie Bonifacio - @Winner | January 20, 2022

Tama ang ginawa ni Ogie Alcasid na mag-isolate from his wife na si Asia’s Songbird Regine Velasquez at solong anak nila na si Nate.

Nope, ‘di po kabilang si Ogie sa dami at sunud-sunod na celebrities na nagpopositibo sa COVID-19 virus. Bumalik na kasi si Ogie sa live episode ng It’s Showtime at sa tumataas na bilang ng nagkakasakit dahil sa COVID-19 virus, mahirap nga naman na makipagsapalaran siya para sa kalusugan ng kanyang pamilya. At labis ang pag-aalala niya for Nate dahil hindi pa vaccinated ang unico hijo nila ni Regine.

Sa kanyang socmed accounts ay ipinost ni Ogie ang picture niya with their pets habang nag-a-isolate sa kanyang kuwarto.

"My roommates in the mean time. Wifey and I decided that I sleep on my own because I have gone back to work. We are just thinking of Nate as he is the only one not vaxxed in our family.

“Medyo mataas pa talaga ang mga bilang kaya nag-iingat lang," he said.

“We are all swabbed and tested in ABS-CBN and follow all health protocols very strictly. Maigi na rin po na mag-ingat. Stay safe everyone!! God bless you," caption ni Ogie.

Nag-resume na nga ang It’s Showtime ng live telecast last Monday (January 17) pagkatapos ng kanilang 10-day break sa gitna ng tumataas na COVID-19 cases sa bansa.

Sa kanyang Twitter account ay naghayag naman si Ogie ng kasiyahan sa pagbabalik muli ng live airing ng It’s Showtime.

Tweet ni Ogie, “Napakasarap ng feeling bumalik sa trabaho sa Showtime at tumawa nang tumawa at makinig sa kantahan!!! Such a blessing. Na-miss namin kayo, madlang pipol!!!”

Iba rin kasi talaga ang sayang dulot ng mga hosts ng Kapamilya noontime show na napapanood mula Lunes hanggang Sabado sa A2Z Channel 11 and digitalized Channel 20, Kapamilya Channel, Kapamilya Online Live at iba pang digital platforms ng ABS-CBN.