Kahit tinawag siyang "my love"… SIGAW NI KRIS: BEST MALE FRIEND KO LANG SI MARK

ni Vinia Vivar @Frankly Speaking | February 16, 2023

Marami ang kinilig sa napaka-sweet na post ni Batangas Vice-Govenor Mark Leviste sa kanyang social media account tungkol kay Kris Aquino nitong nakaraang Valentine’s Day.

Kung pagbabasehan ang mga sinabi ni VG Mark, maiisip mo agad talaga na baka sila na nga ni Kris. Imagine nga naman, lumipad pa siya mula 'Pinas to US para lang makasama ang Queen of All Media sa kaarawan nito at Araw ng Mga Puso?

Tinawag din niyang “my love” and “my dear” si Kris and reading between the lines, mararamdaman mo ang pagmamahal niya talaga kay Kris.

Pero kaagad na nilinaw ni Kris ang estado ng relasyon nila ngayon ni VG Mark, para maiwasan na rin marahil ang mga maling espekulasyon.

Sa Instagram post ni VG Mark sumagot si Krissy at aniya, best of friends lang sila.

“May we clarify- together physically in the same place… I appreciate all your effort (through the years) BUT please clarify that we agreed the best foundation for any & all relationships is FRIENDSHIP. I know I state with 100% accuracy, you’re my best male friend,” pahayag ni Kris.

Marami naman ang humanga sa pagka-open ni VG Mark sa feelings niya for Kris and for this, botong-boto sila sa pulitiko.

“No wonder why our idol is getting better… please take care of her! And also, Mark, please surprise her with flowers everyday because flowers is really her happiness and I believe it lessens her negative thoughts…” komento ng isang fan ni Kris.

“Vice-Gov., thank you. You didn’t let distance and your work sked get in the way. All the best to your deep friendship with Kris. So happy for you both,” sabi naman ng isa pang supporter ni Kris.