Kahit tawagan pa raw siya… CARLA, 'DI PA RIN MASIKMURANG KAUSAPIN SI TOM

ni Erlinda Rapadas - @Teka Nga | November 13, 2022

Komportable na ang Kapuso actress na si Carla Abellana na pag-usapan at sagutin ang tungkol sa paghihiwalay nila ni Tom Rodriguez.

Although wala pang detalye ng tunay na dahilan ng kanilang paghihiwalay, at least, kahit papaano ay nailalabas na ni Carla ang kanyang nararamdaman sa naging relasyon nila ng dating mister na si Tom.

At sa podcast ni Nelson Canlas ng GMA Network, nasabi ni Carla na February, 2022 pa sila huling nagkita ni Tom. Mula noon ay hindi na sila nagkita at nagkausap pa.

Aminado rin si Carla na kung sakaling mag-attempt si Tom na siya ay tawagan at kausapin, hindi pa niya kakayanin. Masyado siyang nasaktan at may pain pa rin siyang nararamdaman sa kanyang puso.

Tungkol naman sa naging pahayag noon ni Tom na considered divorced na sila ni Carla dahil US citizen siya, hindi pa raw mag-sink in kay Carla na divorced na sila ng mister. Iba pa rin daw kung 'yung kasal nila rito sa 'Pinas ang mapapawalang-bisa.