Kahit pa 10 yrs. nang magdyowa… RELASYONG KATHRYN AT DANIEL, TAGILID DAHIL KAY BARBIE

ni Erlinda Rapadas - @Teka Nga | May 19, 2022

Consistent ang vibes ng ilang psychics sa magkasintahang Kathryn Bernardo at Daniel Padilla. Sa unang buwan pa lamang ng taong 2022 ay nag-predict na sila na ang KathNiel love team ay magkakaroon ng malaking problema na mauuwi sa paghihiwalay.

Isa raw magandang young actress ang magiging dahilan ng kanilang breakup. Matutukso raw kasi sa young actress si Daniel.

May ilang netizens naman ang nagsabing posibleng si Barbie Imperial ang young actress na magiging third party. Nang mag-break daw kasi sina Barbie at Diego Loyzaga ay si Daniel Padilla ang naging “shoulder to cry on” niya. Madalas daw itong pumupunta sa bahay nina Daniel para humingi ng advise at moral support.

Kaya dapat ay bantay-sarado ni Kathryn si Daniel dahil baka maahas pa ng iba. Kung minsan, sa kagustuhang makatulong sa mga kaibigan na may problema sa pag-ibig, si Daniel pa ang napapahamak.