Kahit naka-move on na raw… CARLA, 'DI PA RIN MASIKMURANG PAG-USAPAN SI TOM

ni Erlinda Rapadas - @Teka Nga | October 23, 2022

Back to her normal life ang Kapuso actress na si Carla Abellana matapos ang ilang buwang pananahimik mula nang maghiwalay sila ni Tom Rodriguez.

Lumalabas na si Carla at humaharap sa entertainment press kapag kailangan niyang i-promote ang kanyang mga endorsements. Pakiusap lang niya sa press ay huwag nang ungkatin at pag-usapan ang tungkol sa naging problema nila ng kanyang ex-husband.

May bago nang chapter ang kanyang buhay ngayon at marami siyang pinagkakaabalahang gawin tulad ng kanyang bagong negosyo na beauty soap at scented candles. Ito ang kanyang pinagbuhusan ng panahon noong magulo ang kanyang mundo.

Excited din si Carla sa ipinagagawa niyang dream house na malapit nang matapos. Last March 2022 niya ito sinimulang ipatayo.

In the mood na rin si Carla na muling magtrabaho kung may bagong serye na ibibigay sa kanya ang GMA-7. Request nga ng kanyang mga fans, pagsamahin silang muli ni Max Collins sa isang project. Ang galing kasi ng kanilang kombinasyon.

Sa ngayon ay sa mga guestings muna sa ilang shows ng GMA Network napapanood si Carla Abellana, tulad sa The Boobay and Tekla Show (TBATS) ngayong gabi.