Kahit may problema sa health… RIA, HAPPY NA NABUNTIS ULI NI ZANJOE
ni Mercy Lejarde @Talkies | October 9, 2026
Photo: IG _onlyzanjoemarudo
Ibinahagi ng aktres na si Ria Atayde, anak ng multi-awarded actress na si Sylvia Sanchez, sa panayam sa kanya ni MJ Felipe ng TV Patrol na isang biyaya ang kanyang ikalawang pagbubuntis sa kabila ng kanyang kondisyon sa kalusugan.
Saad ni Ria sa panayam, matagal na nilang pangarap ng kanyang mister na si Zanjoe Marudo na magkaroon ng higit sa isang anak.
Aniya, “It’s always been for both of us, a dream to have more than just one child. We both grew up with siblings, so that’s something that we want to give Sabino.”
Sa panayam ay tinanong din si Ria kung gusto ba niyang lalaki o babae ang kanilang magiging second baby.
“A boy or a girl?” tanong sa kanya.
“Sobrang cheesy, basta healthy at this point, really. No preference,” sagot ni Ria.
Samantala, nakatakdang isilang ni Ria ang kanyang second baby sa unang quarter ng 2027.
Totoong tao raw…
GABBI: ANNE, MAGING HALIMBAWA SANA NG MGA KAPWA ARTISTA
ISA sa mga aktres na hinahangaan at inirerespeto ni Gabbi Garcia ay ang It’s Showtime (IS) host na si Anne Curtis.
Sa podcast na Almost Honest ni Kylie Verzosa sa YouTube (YT), ibinahagi ni Gabbi kung bakit niya tinitingala ang aktres.
Ani Gabbi, “I really love Anne... She’s such a genuine person. And even if she’s so successful in this industry, she’s so grounded and she’s still a human being.
“She’s such a good friend. She’s such a good mom. And I feel like she’s just an epitome of what an artista should be.”
Well, in fairness, tipong hindi lumaki ang ulo ni Anne kahit sumikat na siya nang bongga. ‘Di ba naman, madlang people?
MULING kinilala ang husay ng ABS-CBN sa larangan ng pelikula matapos itong tumanggap ng mga parangal sa Dekada Awards 2026 na iginagawad ng MultiMedia Press Society of the Philippines’ (MMPRESS) Golden Screen Awards.
Binigyang pagkilala ang Star Cinema para sa kontribusyon nito sa sining ng pelikula at naiuwi nito ang Outstanding Film Production na parangal, na tinanggap ni ABS-CBN Films head Kriz Gazmen.
Pinarangalang Best Actress ang beterano at award-winning aktres na si Charo Santos-Concio para sa kanyang husay sa pelikulang Kun Maupay Man It Panahon (2021).
Panalo rin ang box-office queen na si Kathryn Bernardo ng Best Actress para sa The Hows of Us (2018), na kanyang pinagbidahan kasama si Daniel Padilla, na nagwagi naman ng Best Actor para sa Barcelona: A Love Untold (2016).
Kinilala rin si Star for All Seasons Vilma Santos bilang Best Actress para sa pelikulang Everything About Her (2016), habang wagi rin si Charlie Dizon ng parehong parangal para sa Third World Romance (2023).
Samantala, pinangalanan ding Best Actor si Aga Muhlach para sa family drama na Seven Sundays (2017).
Ang Dekada Awards ay nagbibigay-pagkilala sa mga huwarang bituin at pelikula sa nakaraang dekada.
‘Yun lang, and I thank you.
Comments