Kabataan ang magdidikta ng susunod na lider ng bansa, maging wais tayo!

ni Ka Ambo - @Bistado | November 25, 2020

Pumayag na si U.S. President Donald Trump sa smooth transition patungo sa Joe Biden administration.

Ninenerbiyos ang ilang Pinoy!

◘◘◘

Bakit kaya ikinakalat sa social media ang Duterte-Duterte tandem sa 2022.

Dahil sa COVID-19, dumami na talaga ang may amats!

◘◘◘

Ang susunod na pangulo ng Pilipinas ay itutulak ng netizens ng social media.

Tama o hindi?

◘◘◘

Ang mga kabataan, sa unang pagkakataon ay siyang magdidikta ng susunod na pangulo ng Pilipinas.

Kung sino ang maka-master ng social media, siya ang mga sorpresang magiging pangulo ng Republika!

◘◘◘

Bumagsak ang CPP-NPA-NDF hindi dahil sa AFP o PNP.

Bagkus, bumagsak ang komunismo sa pagkamulat ng kabataan gamit ang social media!

◘◘◘

Mababawasan ng kamandag ang mga traditional TV network.

Ito ay mapapalitan ng social media live streaming.

Pustahan!

◘◘◘

Nahihirapan na ang mga titser at estudyante sa online class.

‘Yan ang totoong dahilan ng rekomendasyon na itiklop ito at magkaroon ng “mass promotion”!

◘◘◘

Hindi mula ang lola ng mga lola na si Sec. Leonor Briones sa realidad ng sitwasyon.

Hindi niya gagap ang modernong lipunan!

◘◘◘

Maging ang may edad nang si P-Digong ay kapos ang pang-unawa sa modernong sibilisasyon.

Dahil d’yan, hindi tayo makakaasa ng tumpak at epektibong desisyon!

◘◘◘

Alipin ang gobyerno sa buong daigdig ng modernisasyon sa komunikasyon at edukasyon.

Dapat mailuklok sa Malacañang ay kabataang aktuwal na gumagalaw sa gitna ng modernong lipunan!

◘◘◘

Marami ang nagugutom na biktima ng nagdaang kalamidad.

Pero, walang natatanggap na saklolo!

◘◘◘

Sa gitna ng modernisasyon, inutil ang gobyerno na saklolohan ang mga nagdarahop.

Inutil ang mga LGU executives na pinatatakbo din ng mga ugud-ugod na sa serbisyo!