JULIE ANNE, HINALIKAN SI DENNIS, MADLANG PIPOL SHOCKED

ni Nitz Miralles @Bida | January 15, 2023

Nagulat ang mga viewers ng Friday episode ng Maria Clara at Ibarra sa kissing scene nina Julie Anne San Jose at Dennis Trillo, lalo na at si Julie bilang si Maria Clara ang nag-initiate ng halik kay Dennis bilang Ibarra.

Ang gulat na ‘yun ay may kasamang kilig sa mga shippers ng tambalan nina Julie at Dennis.

May pumuri rin kay Julie dahil nagpaka-propesyonal lang daw siya at ginawa ang hiningi ng eksena.

Actually, hindi ‘yun ang first screen kiss ni Julie dahil nagkaroon na siya ng kissing scene kay Benjamin Alves nang magtambal sila sa isang afternoon soap ng GMA-7.

And speaking of Maria Clara at Ibarra, nagtapos na last Friday ang story ng Noli Me Tangere.

Patay na si Sisa (Andrea Torres) at sa Monday episode, simula na at tatawid na sa story ng El Filibusterismo.

Makakabalik na sa real world si Klay (Barbie Forteza). Iniwan na nito si Fidel (David Licauco).

Sa pagbabalik ni Ibarra, makikilala na siya bilang si Simoun. May mangyayari naman kay Maria Clara.

Also, congratulations kay Dennis na nanalong Best Actor in a Television Series at kay Julie na nanalong Best Supporting Actress in a Television Series sa Philippine TV & Film Updates. Best Director for a Television Series naman si Zig Dulay, Best Series ang Maria Clara at Ibarra at Best Guest or Cameo Performance si Andrea Torres.

Napanalunan din ng Maria Clara at Ibarra ang Best Writing for a Television Series

at Best Cinematography for a Television Series.