JULIA, UMAMING 'DI SILA MAGKASAMA NI GERALD SA V-DAY

ni Vinia Vivar - @Frankly Speaking | February 11, 2022

Dahil may ibang commitment si Julia Barretto on Feb. 14, hindi sila magkasama ng boyfriend na si Gerald Anderson sa Valentine’s Day.

Ayon kay Julia sa digital mediacon ng pinagbibidahang horror film na Bahay na Pula, magpapabunot daw siya ng ngipin sa Araw ng mga Puso.

“Meron akong scheduled wisdom tooth removal ng Feb. 14, so wala akong exciting to share about Valentine’s Day,” aniya.

She added, “I’ll probably celebrate Valentine’s the day before.”

Samantala, inamin ng aktres na takot siyang gumawa ng horror film at sinabi nga raw niya ‘yun sa direktor nilang si Brillante Mendoza.

“'Direk, takot ako, baka may sumunod sa akin after or baka may magparamdam sa set.’ Kasi I remember when my Tita did sort of like a thriller-suspense or horror yata ‘yun, I think it was caught on camera na may nangyari sa kanya while take.

“So, ever since, natakot na ako sa horror nu’n,” she said.

Pero gusto raw niya talagang gawin ang project lalo pa nga’t si Direk Brillante ang makakatrabaho niya with Xian Lim na first time niya ring makakasama and Marco Gumabao na best friend niya.

“Promise naman ni Direk, while we’re shooting it, hindi naman siya ganu’n ka-scary. It’s not as scary as when you’re watching the film and true enough. And I always had a rosary with me in my bag wherever I was. So, ‘yun na lang ang pinanghawakan ko nu’n,” ani Julia.