JULIA, NADALA NA, TAMEME SA BREAKUP NILA NI GERALD

ni Vinia Vivar - @Frankly Speaking | August 25, 2022

Sobrang excited si Julia Barretto sa bago niyang pelikulang Expensive Candy under Viva Films dahil for the first time ay pumayag siyang maging daring nang kaunti at magpakita ng skin.

Sa online mediacon last Tuesday ay natanong ang aktres kung bakit siya napapayag na tumanggap ng daring film. Ayon kay Julia, hindi niya kayang hindian si Direk Jason Paul Laxamana.

Pero ang talaga raw number one reason ay ang story ng pelikula.

“The story is really nice. Nu’ng nabasa ko ‘yung script, I immediately wanted to do it,” aniya.

Dagdag pa niya, “And I feel like I’m already at the point in my life where it’s okay to get out of my comfort zone. So yeah, I’m very much excited to do this.”

Kakaibang Julia nga raw ang makikita sa pelikula dahil sa kauna-unahang pagkakataon ay gumaganap siya bilang isang hostess sa Angeles City.

Bilang preparasyon nga ay nagpunta pa siya mismo sa mga red districts sa Angeles City at in-interview ang mga babaeng nagtatrabaho roon.

“Napanood namin ‘yung the beautiful women there, the hardworking beautiful women who work there in that street in Angeles City. I admire them so much and I have so much respect for them.

“And mayroon po akong mga naging kaibigan at saka mga nakilala nu’ng gabing ‘yun,” ani Julia.

Sa pakikipag-usap sa mga girls ay may mga nakuha raw siyang tips and tricks at mga dance moves.

First time nga rin daw siyang makikita na sumasayaw sa pelikulang ito.

Singit naman ni Direk Jason ay nag-table raw ng babae si Julia sa Angeles.

Dagdag naman ni Julia, nag-disguise pa raw siya at first pero later on ay nagpakilala na rin daw siya at sinabi ang dahilan kung bakit siya nandu'n.

Samantala, natanong din si Julia tungkol sa pagkakadamay ng kanyang love life sa pelikulang ito.

May mga tsismis nga kasing break na sila ni Gerald Anderson, although hindi naman ito direktang naitanong sa aktres.

“I’ve always been very private, well just recently, with my personal life. I think with everything that has happened before, I’ve learned to be protective of my personal life.

“So, I’d like to keep that as private as much as possible and just drawing that boundary between work and my personal life,” pahayag ni Julia.

Ang Expensive Candy ay mapapanood sa mga sinehan nationwide sa Sept. 14.