Julia, alam mo na! GERALD, TAKOT KAY BEA KAYA GHINOSTING

ni Erlinda Rapadas @Teka Nga | June 8, 20255

Photo: Gerald Anderson - IG

Takot pala ang aktor na si Gerald Anderson kay Bea Alonzo, kaya idinaan sa ghosting ang kanilang paghihiwalay.

Napaka-strong kasi ng personalidad ni Bea, alam niya kung ano ang gusto niyang marating sa kanyang career. Hindi siya ang tipo ng babaeng yes lang nang yes sa kagustuhan ng kanyang karelasyon. 

Hindi rin siya nagpapaalipin sa pag-ibig pero handa niyang i-give-up ang kanyang BF kung may magiging problema sa kanyang pamilya, lalo na sa kanyang mom. 

Mas nanaig kay Bea ang isip kesa puso, kaya nga hindi na niya hinabol si Gerald nang bigla na lang hindi ito nagpakita at nagparamdam. Wala silang formal breakup at closure, kaya tumatak sa lahat ang ‘ghosting issue’ ni Gerald. 

Kaya naman, binabantayan ng publiko ang bawat pakikipagrelasyon niya. Inaabangan ng lahat kung magpapakasal na siya ngayong 37 years old na siya. Inaapura na rin siya ng kanyang ina na mag-asawa na dahil sabik na ito sa apo.

---

Biggest mistake raw…

AI AI, SISING-SISI NA NAGPAKASAL KAY GERALD

SA guesting ni Ai Ai delas Alas sa Fast Talk with Boy Abunda (FTWBA) kasama si Lani Misalucha, naitanong ni Boy Abunda na kung sakali at maibabalik ang panahon, ano ang hindi gagawin ng Comedy Concert Queen? 

Aminado naman si Ai Ai na pabigla-bigla rin siyang magdesisyon noon, lalo na sa usapin ng pag-ibig. Ngayon niya na-realize na sana, hindi siya nagpakasal sa lalaking mas bata sa kanya dahil magbabago, lalo na kung malaki ang agwat ng kanilang edad. 

Sabi nga, biggest mistake niya ang pagpapakasal kay Gerald Sibayan. 

Naniwala siya na totoo siyang minahal, kaya nagtiwala siya. Inakala ni Ai Ai na nakatagpo siya ng lalaking magmamahal sa kanya nang totoo kaya sinuportahan niya ang pangarap ni Gerald na maging isang piloto. Nag-petition din siya upang maging US citizen ang mister. Pero lumabas din ang totoong motibo ni Gerald, at ginamit lang niya si Ai Ai para sa pansarili niyang interes. 

Walang formal breakup sina Ai Ai at Gerald. Idinaan lang sa chat ni Gerald ang pakikipaghiwalay, at napakasakit nito para sa Comedy Concert Queen.

---

Parehong bagets pa kaya naghiwalay…

AGA, UNANG BF NI AIKO

MARAMI ang nagulat nang aminin ni Aiko Melendez na si Aga Muhlach ang kanyang first boyfriend.

Pareho pa silang bagets noon at marami ang nagtaka kung bakit hindi nagtagal sina Aiko at Aga. 

Napunta si Aiko kay Jomari Yllana, si Aga naman ay na-in love kay Janice de Belen at nagkaroon sila ng isang anak, pero hindi nagpakasal. 

Ang actress/beauty queen na si Charlene Gonzales ang pinakasalan ni Aga at nagkaroon sila ng kambal na anak, sina Atasha at Andres, na nag-aartista na rin ngayon. 

Kaya tanong ng mga netizens ay kung posible bang magkasama sa isang movie project sina Aga, Aiko at Janice? 

Well, pare-pareho na silang mature at may kani-kanyang pamilya na rin. Trabaho na lang ang dapat nilang ikonsidera sakaling may movie producer na mag-offer.

---

BONGGA ang Season 10 ng programang IHeart PH (IHPH) hosted by Valerie Tan at produced ng TV8 Media. 

Sa first episode para sa Season 10, itatampok ang mga tourist attractions ng Hong Kong. Mapapanood ito sa GTV simula ngayong 10:30 AM.

Tiyak na marami ang maeengganyo na muling pumunta sa Hong Kong ngayon dahil sa mga bagong attractions, bukod sa HK Disneyland at Ocean Park at ang dinarayong Night Market.

Pupuntahan din ng Team IHPH ang isang fishing village na hindi kadalasang nararating ng mga turista.