JOSHUA, UMAMING ILANG BESES NANG NAUDLOT ANG FACE-TO-FACE NILA NI BELLA POARCH

ni Vinia Vivar - @Frankly Speaking | August 20, 2022

Usap-usapan ngayon ang rebelasyon ng sikat na singer/TikToker na si Bella Poarch na crush niya si Joshua Garcia. Inamin niya ito sa recent interview sa kanya ng ABS-CBN.

Ano nga ba ang reaksiyon ni Joshua sa crush reveal na ito ni Bella?

“Nakakataba lang din ng puso. Kasi ako, siyempre, I’m happy na may nagsu-support or humahanga sa akin,” sey ni Joshua sa TV Patrol.

Nang tanungin kung crush din ba niya si Bella, sagot ni Joshua, “Why not?”

Inamin ng aktor na nag-uusap na pala sila ni Bella at ilang beses na nilang pinlanong magkita.

“Parang June yata, dapat magkikita kami. Pero hindi natuloy ‘yung Star Magic tour ko. Hindi ako nakasama. Tapos, parang July daw yata, pupunta siya (ng 'Pinas), pero hindi rin naman natuloy. So, hindi natin alam…” sey ni Joshua.

Si Bella ay isang Fil-Am at kasalukuyang naninirahan sa Los Angeles pero pinaplano raw ng dalaga na umuwi sa ating bansa this Christmas at looking forward na nga si Joshua na magkita’t magkasama sila finally.

“Sana makita kita, pakita ka sa akin,” mensahe ni Joshua kay Bella.