Join sa Blackwater team… ANDRE, PASOK NA SA PBA

Erlinida Rapadas - @Teka Nga! | March 19, 2021

Pasok na sa PBA ang Kapuso actor na si Andre Paras at siya ay maglalaro sa koponan ng Blackwater.

Tuwang-tuwa si Andre sa pagiging bahagi ng Blackwater team at nagkaroon ng chance na makapaglaro sa PBA.

Bata pa raw siya ay pangarap na niyang maging magaling na basketball player tulad ng kanyang amang si Benjie Paras. Ang younger brother niyang si Kobe Paras ay naglalaro ngayon sa koponan ng UP dahil doon siya nag-aaral.

Well, paano kaya mapagsasabay ni Andre ang kanyang showbiz career at pagiging basketbolista? Ano ang kanyang bibigyan ng prayoridad?

Magiging busy din siya sa pag-eensayo at paglalaro sa PBA. Paano na ang show niyang Game of the Gens na sila ni Sef Cadayona ang mga hosts?

Masaya at proud naman si Benjie Paras dahil sina Andre at Kobe ang magtutuloy ng kanyang legacy sa basketball. May magmamana na ng kanyang galing sa hardcourt.