JOHN, DINEDMA SI DIREK ERIK AT OTJ NANG BIGYAN NG AWARD NG SENADO

ni Beth Gelena @Bulgary Files | February 26, 2023

Umapela si Direk Erik Matti sa Star Magic at sa actor na si John Arcilla dahil hindi man lang daw in-acknowledge ang pelikulang napanalunan ng aktor, ang On The Job: The Missing 8.

Pinarangalan kasi ng Senado si John sa pagkakapanalo nito sa 78th Venice Film Festival bilang The Volpi Cup Best Actor.

Sa Senate Resolution 490, binigyan nila ng award si Arcilla bilang kauna-unahang Filipino actor na nanalo ng Volpi Cup Best Actor.

Pinasalamatan naman ni Arcilla ang Senado sa pagkakapili sa kanya in the field of Performing Arts/Philippine Film Industry in the World Arena.

Hindi nagustuhan ni Direk Erik ang mensahe na ibinigay ng actor dahil hindi man lang daw nito binanggit kung ano ang pelikulang kanyang napanalunan.

But in fairness naman, in-edit ni John ang kanyang thank you message at pinasalamatan din niya ang pelikulang nagbigay sa kanya ng award at maging si Direk Matti ay kanyang nabanggit.

Komento ng mga netizens, "Mukhang nag-umpisang nagkaroon ng hidwaan sina Matti at ABS-CBN dahil sa Darna."

Nasabi ito ng mga netizens dahil nabanggit din kasi ni Direk Matti ang talent agency ng ABS-CBN na Star Magic.

"I think so too."

"Hala kayo, nagtampo si Manong!!"

"Holy cow, galit na galit si direk! Oh, my gosh!"

"Rights niyang magtampo. Parang sino at inangkin na ang parangal ng humahawak kay John Arcilla, eh, samantalang sa movie ni Direk Matti siya napansin."

"Agreed with Erik Matti.”

“Bakit nakalimutan niya ‘yun or baka sadya?"

"Siyempre, sadya. Puwede kang may malimutan kung biglang nanalo like sa awards night, pero sa ganyan na alam na alam na may parangal, malinaw pa sa tubig na sadya."

"Grabe, kakalipat mo lang sa Star Magic, naging ganyan ka na, John Arcilla? Bilis mo naman makalimot. Sobrang credit grabbing ng agents mo, ang tindiii, galawang Dos talaga."

"Can't blame Direk for calling out nga. Masakit na ‘di ka man lang maalala sa ginawa mong nagpanalo sa aktor."

“Wala naman sigurong masamang intention si John Arcilla kasi nabanggit naman na sina direk and producers sa original caption. ‘Yung movie lang ang hindi na-mention. I think the new caption is more accurate na rin and it sounds sincere. Nakakalungkot kung sisirain ‘yung partnership with this."

"The fact na na-mention naman sina direk originally and ni-rectify agad to reflect his very profuse gratitude sa kanila shows his sincerity and humility. Kokonti na lang ang ganyang artista natin.

He doesn't deserve to be dragged sa networks war."